Urubanza rwo gutera icyizere Trump rugeze mu mahina

Yanditswe na Ndahayo Emmanuel
Kuya 10 Gashyantare 2021 saa 09:00
Yasuwe :
0 0

Sena ya Leta Zunze Ubumwe za Amerika yemeje ko urubanza rwa Donald Trump wahoze ayoboye icyo gihugu rukomeza ndetse kuri uyu wa Gatatu impande zombi zatangiye kwiregura.

Kugeza ubu, impande zombi zirahabwa amasaha 16 yo kwisobanura. Byitezwe ko uruhande rushinja Trump ruzagaragaza uburyo ari we wasembuye imyigaragambyo karundura yabereye ku Ngoro y’Inteko Ishinga Amategeko ya Amerika ku wa 6 Mutarama 2021, igahitana abantu batanu barimo n’umupolisi.

Uruhande rwa Trump narwo ruzakoresha ayo masaha mu kugaragaza uburyo ibyo yavuze mbere gato y’amatora n’ibyo yanditse kuri Twitter mbere na nyuma y’imyigaragambyo, byari ugukoresha uburenganzira bwe bwo gutanga ibitekerezo kuko nta muntu yasabye gukora ibikorwa by’urugomo.

Trump aramutse ahamwe n’ibyo ashinjwa yabuzwa kuzagira undi mwanya wo mu nzego zo hejuru yiyamamariza.

Uru rubanza rwbaye nyuma y’uko abasenateri biganjemo Aba-Démocrates 56 batoreye umwanzuro wo kwemeza ko urubanza rukomeza mu gihe abandi Ba-Républicains 44 bari babihakanye.

Perezida Donald Trump ashobora guterwa icyizere ku nshuro ya kabiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .