Kwamamaza

Umwana umwe muri barindwi ku Isi agerwaho n’ingaruka z’imyuka ihumanye

Yanditswe kuya 1-11-2016 saa 07:25' na Hagengimana Philbert


Ubushakashatsi bw’Umuryango w’Abibumbye bugaragaza ko abana miliyoni 300 ku Isi bagerwaho n’ingaruka zo guhumeka imyuka ihumanye, Ishami ry’uwo muryango ryita ku bana, UNICEF, rikaba rihamagarira abakuru b’ibihugu kugira icyo bakora kuri icyo kibazo.

Iyo raporo yashyizwe ahagaragara kuri uyu wa Mbere tariki ya 31 Ukwakira, mu gihe habura icyumweru kimwe ngo i Marrakech muri Maroc hateranire inama y’Umuryango w’Abibumbye yiga ku mihindagurikire y’ibihe.

Radiyo mpuzamahanga y’Abafaransa yatangaje ko Umuyobozi wa UNICEF, Anthony Lake yavuze ko “Ihumana ry’ikirere buri mwaka rigira uruhare mu mfu z’abana bagera ku 600.000 bari munsi y’imyaka itanu, bikanashyira mu kaga ejo hazaza ha miliyoni z’abandi bantu.”

UNICEF ivuga ko abana bagera kuri miliyoni 300 ku Isi baba ahantu imyuka ihumanya ikirere birenze igipimo mpuzamahanga inshuro zigera kuri esheshatu.

Imibare igaragaza kandi ko abana bahumeka umwuka uhumanye mu buryo bukabije, Aziya y’Amajyepfo ni yo iza ku isonga, n’abagera kuri miliyoni 620, hagakurikiraho Afurika ifite miliyoni 520, Aziya y’Iburasirazuba na Pacifique zifite miliyoni 450.

Mu rwego rwo gukumira ibyo bibazo, UNICEF yahaye ibyifuzo bine abakuru b’ibihugu ku Isi, birimo gukora iyo bwabaga ngo hubahirizwe ikigero fatizo cy’ihumana ry’ikirere, hirindwa gukoresha ingufu zitera iryo humana, ahubwo hagashyirwa imbaraga mu gukoresha ingufu karemano.

Iryo shami rya Loni ryanasabye korohereza abana kubona serivisi z’ubuzima, bagafashwa kubona inkingo mu buryo bwo kubarinda kwibasirwa n’indwara z’ubuhumekero.

UNICEF yanasabye ko ibindi bigira uruhare mu guhumanya ikirere nk’inganda, byajya bishyirwa kure y’amashuri, ibibuga by’imyidagaduro, kandi imyanda ikabungabungwa neza.

Benshi mu bana cyane ku mugabane wa Aziya bagerwaho n'ingaruka z'imyuka bihumanye

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved