Ni indege y’akataraboneka izaba ifite ubushobozi bwo kwihuta ku muvuduko ukubye kabiri umuvuduko w’ijwi, ku buryo ushobora kugera kuri kilometero 2 222 ku isaha, umuvuduko ukubye kabiri uw’indege zisanzwe.

Imbere muri iyi ndege izaba itwara abantu 31, Exosonic izashyiramo ikoranabuhanga ryo ku rwego rwo hejuru, ku buryo abayobozi bazashobora gukoresha ibirimo ibiganiro n’abanyamakuru, kwitabira inama zitandukanye no kuvugana na buri wese bifuje ahantu hose ku Isi.

Byitezwe ko umushinga wo kubaka iyi ndege, wahawe izina rya ‘Air Force One’, uzarangira hagati ya 2030 na 2040.

Bitewe n’uburyo iyi ndege izaba ikozemo, ntizatwara Perezida gusa, ahubwo izaba ifite ubushobozi bwo gukoreshwa na Visi Perezida ndetse n’abandi bayobozi bo ku rwego rwo hejuru.

Ikigo gishinzwe ingendo z’abayobozi bakomeye muri Amerika, PE, ni cyo cyateye inkunga umushinga wo kubaka iyi ndege, ndetse iki kigo kiri no gutera inkunga undi mushinga w’ikigo cya Hermeus kiri mu bushakashatsi bwo kuzakora indege ifite umuvuduko ukubye inshuro eshanu uw’ijwi.

Iki kigo nacyo kiri mu bushakashatsi bwa moteri izakoreshwa n’inzo ndege ndetse igerageza rya mbere ryabaye umwaka ushize ryatanze icyizere.

Hermeus ivuga ko urugendo ruhuza New York na Londres rutwara amasaha atandatu, ruzajya rukenera iminota iri munsi ya 90 kugira ngo rube rurangiye.

Iyi ndege izaba igenda ku muvuduko ukubye kabiri uw'indege zisanzwe

Imbere muri iyi ndege hazajya haba hari ikoranabuhanga riri ku rwego rwo hejuru

Iyi ndege izaba itwara abantu 31

Aha hazajya hicara abakozi bajyanye n'abayobozi bakuru mu ndege

Iyi ndege izaba ifite ikoranabuhanga rigezweho

Imbere muri iyi ndege ni uku hazaba hameze

Iyi ndege izajya ikorerwamo inama n'abantu bari kumwe na Perezida

Izajya iberamo n'ibiganiro n'abanyamakuru