Umunyamakuru watangaje bwa mbere intambara ya kabiri y’Isi yapfuye ku myaka 105

Yanditswe na
Kuya 10 Mutarama 2017 saa 08:36
Yasuwe : XX
0

Umwongereza Clare Hollingworth watangaje bwa mbere amakuru y’intambara ya kabiri y’Isi, yapfiriye muri Hong Kong ku myaka 105.

Umukecuru Hollingworth wavukiye mu mujyi wa Leicester mu 1911, yari umunyamakuru wa Daily Telegraph. Mu 1939 yoherejwe muri Pologne kugirango atangaze amakuru y’umwuka mubi watutumbaga mu Burayi bwo hagati.

Euronews yatangaje ko ubwo Hollingworth yari atwaye imodoka ku mupaka w’u Budage na Pologne, yahuye n’ingabo z’Abadage n’imodoka z’intambara zerekeza muri Pologne. Icyo gihe yahamagaye kuri Ambasade y’u Bwongereza i Warsaw [Pologne], aba ariwe wa mbere uvuga ko hari igitero kigabwe kuri Pologne cyaje gukwira u Burayi bwose kinagera no ku Isi yose.

Inkuru ye yahise atangaza muri The Telegraph niyo yari iya mbere ivuze ku ntambara ya kabiri y’Isi, ndetse imugira umuntu ukomeye mu itangazamakuru ry’u Bwongereza. Ihuriro ry’abanyamakuru bahagarariye ibitangazamakuru byabo mu mahanga, FCC, riri muri Hong Kong ari naho Hollingworth yabaga kuva mu 1980, yavuze ko iyo nkuru ye ari iy’ikinyejana.

Hollingworth afite amateka yo gukora inkuru mu bihe by’intambara kuko yagiye mu ntambara ya Palestine, Algeria, China, Aden na Vietnam. Yakunze kuvuga ko adatinya intambara ahubwo ayishimira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza