00:00:00 IGIHE NETWORK KN KINYARWANDA EN ENGLISH FR FRANCAIS

Umunyamabanga Mukuru wa Loni yongerewe manda y’imyaka itanu

Yanditswe na Rosine Ingabire
Kuya 8 Kamena 2021 saa 06:48
Yasuwe :
0 0

Akanama k’umuryango w’Abibumbye gashinzwe umutekano kongereye Umunyamabanga Mukuru w’uwo muryango Antonio Guterres, manda y’imyaka itanu.

Manda ya kabiri ya Guterres izatangira tariki 1 Mutarama 2022, nyuma y’imyaka itanu asoje iya mbere.

Guterres yashimiye abagize akanama k’umutekano ka Loni ku cyizere bamugiriye, asaba Inteko Rusange ya Loni kuzaha agaciro icyemezo cy’akanama k’umutekano kugira ngo atangire imirimo ye.

Uyu mugabo w’imyaka 72 wo muri Portugal yasimbuye kuri uwo mwanya Ban Ki Moon muri Mutarama 2017. Yagiye ku buyobozi habura iminsi mike ngo Perezida Donald Trump ajye ku butegetsi muri Leta Zunze Ubumwe za Amerika.

Manda ye ya mbere yayimaze mu bibazo birimo no guhangana na Trump utarabonaga agaciro k’uwo muryango ndetse washakaga ko igihugu cye kivana mu nzego nyinshi z’uwo muryango. Leta Zunze Ubumwe za Amerika ni kimwe mu bihugu bitanga umusanzu munini ku ngengo y’imari ya Loni aho cyihariye 22 % .

Guterres yahoze ari Minisitiri w’Intebe wa Portugal guhera mu 1995 kugeza mu 2002. Guhera mu 2005 kugeza mu 2015 yari umuyobozi w’ishami rya Loni ryita ku mpunzi.

Guterres yatorewe manda ya kabiri y'imyaka itanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .