Umunya-Vietnam yegukanye ikamba rya Miss Earth 2018, Umutoniwase atahira aho

Yanditswe na Akayezu Jean de Dieu
Kuya 3 Ugushyingo 2018 saa 07:11
Yasuwe :
0 0

Umunya- Vietnam Phuong Khan Nguyen w’imyaka 23 y’amavuko yegukanye ikamba rya Miss Earth 2018, ahigitse ba Nyampinga 87 barimo Umunyarwandakazi Umutoniwase Anastasie.

Miss Phuong Khan yegukanye iri kamba mu birori byabereye munzu y’imyidagaduro ya Mall of Arena iri mu Mujyi wa Manila muri Philippines, kuri uyu wa Gatandatu tariki 3 Ugushyingo.

Iri rushanwa ryari ribaye ku nshuro ya 18, rihuza ba Nyampinga baturutse ku migabane itandukanye y’Isi, bahatanira ikamba ry’ubwiza ariko mu ishusho yo kurengera ibidukikije.

Ritegurwa hagamijwe gutanga ubutumwa bugamije guhangana n’ingaruka z’imihindagurikire y’ikirere, aho abayitabira uretse kugaragaza ubwiza, bagaragaza imishinga yabo izatanga ibisubizo ku bibazo by’imihindagurikire y’ikirere.

Ikamba rya Miss Earth 2017, ryari rifitwe na Khalen Ibasco wo mu gihugu cya Philippines waryambitswe umwaka ushize ahigitse abarimo Uwase Honorine wari uhagarariye u Rwanda.

Muri uyu mwaka u Rwanda rwari ruhagarariwe na Umutoniwase w’imyaka 18, wari uri mu itsinda ryiswe ‘Fire’ ariko akaba atashye atabashije kwegukana ikamba nta n’umudari yigeze yambikwa muri iri rushanwa.

Yavuyemo ku ikubitiro ubwo hatoranywaga abakobwa bajya muri kimwe cya kabiri cy’irushanwa.

Uretse Miss Phuong Khan wegukanye iri kamba hari n’indi myanya ihatanirwa irimo Miss Earth Fire, Melissa Flores wo muri Mexico, uwabaye Miss Earth Water ni Valeria Ayos wo muri Colombia na Miss Air Melanie Mader wo muri Austria.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza