00:00:00 IGIHE NETWORK KN KINYARWANDA EN ENGLISH FR FRANCAIS

Umuntu nakubita byoroshye ni Joe Biden - Donald Trump

Yanditswe na Muhonzire Sylvine
Kuya 10 Nzeri 2021 saa 09:49
Yasuwe :
0 0

Hari hashize igihe kinini Donald Trump wahoze ayobora Leta Zunze Ubumwe za Amerika atumvikana avuga ya magambo ye ashotorana ariko asekeje, gusa kuwa Kane tariki 9 Nzeli yavuze ko umuntu yakwishimira gukubita ku Isi ari Joe Biden kandi akamushyira hasi mu masegonda make.

Ibi yabivuze mu kiganiro n’abanyamakuru gitegura umukino w’iteramakofe uzahuza uwitwa Evander Holyfield w’imyaka 58 na Vitor Belfort w’imyaka 44 kuwa Gatandatu tariki 11 Nzeli 2021 muri hoteli ya Seminole Hard Rock Casino iherereye Hollywood muri leta ya Florida.

Ubwo yari ahamagawe kuri telefone nk’umwe mu bazasesengura uwo mukino, yabajijwe umuntu yakwishimira guhura nawe ku Isi mukino w’iteramakofe.

Asubiza ati “Biramutse bibayeho ko mpitamo umuntu twahura ku Isi, nabiharira abakina umukino w’iteramakofe babigize umwuga, gusa ndatekereza ko umuntu nakubita byoroshye ari Joe Biden kubera ko yahita agwa ahasi vuba vuba cyane […] Ndatekereza ko yahita agwa mu masegonda make ya mbere.”

Benshi muri bari bitabiriye icyo kiganiro basetse cyane ndetse bamuha amashyi kuko bizwi ko Trump avuga ikimuje mu mutwe, ari nayo ntandaro yo gufungirwa konti ze zose ku mbuga nkoranyambaga kuko yahamagariye abantu kwigaragambya ku nteko ishingamategeko ya Amerika.

Kuva cyera uyu mugabo ntiyigeze ahisha urwango yanga Joe Biden, ndetse kugeza n’ubu ntaremera ko yamutsinze mu matora y’Umukuru w’Igihugu yabaye mu ntangiriro z’uyu mwaka wa 2021.

Bivugwa ko Donald Trump yishyuwe akayabo ka miliyoni z’amadolari kugira ngo azabe umusesenguzi muri uyu mukino aho aza ari n’umushyitsi mukuru.

Biramutse bibaye ko aba bayobozi bahura mu mukino w’iteramakofe, ntabwo byaba bihabanye cyane kuko Biden afite imyaka 78, uburebure bwa metero 1.82 ndetse n’ibiro 80 Trump akagira imyaka 75, uburebure bwa metero 1.90 n’ibiro 110.

Donald Trump yavuze ko umuntu wamworohera kumukubita ku Isi ari Joe Biden
Umukino Trump azasesengura ni uzahuza aba bagabo babiri kuwa Gatandatu tariki 11 Nzeri 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .