00:00:00 IGIHE NETWORK KN KINYARWANDA EN ENGLISH FR FRANCAIS

Umuntu agiye kujya yamburwa ubwenegihugu bw’u Bwongereza nta nteguza

Yanditswe na Umwali Zhuri
Kuya 18 Ugushyingo 2021 saa 02:14
Yasuwe :
0 0

Mu minsi iri imbere, umuntu azajya yamburwa ubwenegihugu bw’u Bwongereza atabanje kumenyeshwa impamvu cyangwa se ngo aburirwe nk’uko byagendaga.

Umushinga w’Itegeko rigenga ubwenegihugu n’imipaka uri kuvugururwa, uteganya impinduka mu buryo umuntu yamburwa ubwenegihugu.

Ingingo ya cyenda yawo iteganya ko Guverinoma izamburwa uburenganzira bwo kumenyesha umuntu ko agiye kwamburwa ubwenegihugu mu gihe impamvu zishingiye ku mutekano w’igihugu, imibanire y’ibihugu cyangwa se ku nyungu rusange.

Ibyagenderwagaho mu kumenyesha umuntu ko ashobora kwamburwa ubwenegihugu bw’u Bwongereza byagiye byoroshywa buhoro buhoro guhera mu 2010 bikaza umurego mu 2014.

Izindi mpinduka zishobora gukorwa zijyanye na none n’abantu binjira mu Bwongereza banyuze mu nzira zitemewe, aho bazajya bakurikiranwa n’amategeko kugera no ku muntu wahageze akiza amagara ye.

Ubu abacunga imipaka bagiye kongererwa ubudahangarwa mu gihe nk’umuntu apfiriye mu gikorwa cyo gushaka kwinjira mu Bwongereza mu buryo bunyuranyije n’amategeko hanyuma bagashaka kumusubiza inyuma.

Umuntu azajya yamburwa ubwenegihugu bw'u Bwongereza nta nteguza mu gihe impamvu zikomeye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .