Kwamamaza

Umukinnyi wa filimi z’urukozasoni yahishuye uburyo Trump yamusomye ku ngufu

Yanditswe kuya 23-10-2016 saa 17:19' na Mukaneza M.Ange


Jessica Drake ukina filimi z’urukozasoni ndetse akaziyobora, yashinje Donald Trump wiyamamariza kuyobora Leta Zunze Ubumwe za Amerika ku muhobera no ku musoma ku ngufu ubwo bari bahuriye ahari habereye amarushanwa ya golf muri Leta ya Nevada.

Drake abaye umugore wa 11 ushinje Trump ibijyanye n’imibonano mpuzabitsina ya gahato kuva hashyirwa hanze amagambo yavuze mu 2005 ko abagore bose ashaka yababona.

Mu kiganiro n’abanyamakuru cyabaye ku wa Gatanu, uyu mugore yavuze ko mu 2006 aribwo yahuye na Trump akamusaba nimero ya telefoni ndetse amutumira mu cyumba cye.

Kubera ko yumvaga adatuje yasabye abandi bagore babiri kumuherekeza maze bagezeyo Trump akajya abahobera abiyegereje cyane ndetse abasoma nta burengenzira bamuhaye.

Nyuma y’iminota iri hagati ya 30 na 45 ngo uyu mugore yaje gufata umwanzuro wo kwigendera ariko nyuma ahamagarwa n’abareberera inyungu za Trump bamusaba ku musanga mu cyumba cye ariko akagenda wenyine, undi arabyanga.

Nk’uko Drake yakomeje abivuga ngo yaje kwihamagarirwa na Trump ubwe amusaba ko yaza bagasohokana ndetse amwemerera kumuha amadorali ibihumbi 10 n’indege ye bwite ikaza kumutwara.

CNN ivuga ko muri iyi nama uriya mugore yari ahagarariwe n’umunyamategeko Gloria Allred, wanerekanye ifoto Trump yifotoranyije na Drake.

Ibi ariko abo ku ruhande rwa Trump babyamaganiye kure bavuga ko kimwe n’abandi Drake nawe abeshya.

Mu itangazo bashyize ahagaragara bavuze ko iyo foto yagaragajwe ari imwe mu mafoto atari make Trump yagiye yifotozanya n’abantu babimusabaga kandi ko atanamwibuka.

Bakomeje bagaragaza ko byihishwe inyuma n’abo ku ruhande rwa Hillary Clinton bakomeje gushaka guharabika umukandida umaze kuza imbere mu igenzura ry’abashobora kumutora ryakozwe inshuro eshatu zitandukanye.

Ku wa Gatandatu nibwo Trump yavuze ko nyuma y’amatora azageza imbere y’ubutabera abagore bose bakomeje kumushinja ibinyoma, ntiyigeze ariko akomoza ku byo ashinjwa na Drake.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved