Umujyi wa San Francisco wafashe iya mbere mu guca ‘e-cigarette’

Yanditswe na Ndayikunda Josué
Kuya 27 Kamena 2019 saa 08:55
Yasuwe :
0 0

Umujyi wa San Francisco niwo wabaye uwa mbere muri Leta Zunze Ubumwe za Amerika, mu guhagarika ubucuruzi bw’itabi ryo mu bwoko bwa e-cigarette, kugeza ubwo ingaruka zaryo ku buzima zizasobanuka.

Kuri uyu wa kabiri nibwo ubuyobozi bw’uyu mujyi bwatoye icyemezo cyo guhagarika ubucuruzi bw’aya matabi haba mu nzu z’ubucuruzi cyangwa abayacururiza kuri internet.

E-cigarette ni ubwoko bw’itabi rikoze mu kuma k’ikoranabuhanga ari nako abarikoresha bakururamo umwotsi. Umujyi wa San Francisco ni icyanya cy’inganda nyinshi zikora aya matabi.

Iki cyemezo gifashwe mu rwego rwo kurinda urubyiruko kwishora mu ngeso zo kunywa itabi, gusa hari abavuga ko kizatuma abanywa itabi bagaruka ku risanzwe n’aho abandi bakishora muri magendu.

Meya w’umujyi wa San Francisco, London Breed, azashyira umukono ku itegeko ryo guca e-cigarette mu minsi 10 iri mbere, icyakora yagaragaje ubushake. Iri tegeko rizatangira kubahirizwa nyuma y’amezi arindwi nubwo hari ibivugwa ko hari abazarirwanya.

Ikigo gishinzwe ibijyanye n’ibiribwa n’imiti muri Leta Zunze Ubumwe za Amerika (FDA) cyashoye amabwiriza inganda zose zikora e-cigarette zigomba kuba zubahirije bitarenze 2021 kugira ngo igicuruzwa cyazo kibe cyasuzumwe.

Ikigo cy’igihugu gishinzwe kugenzura no kurinda indwara muri Leta Zunze Ubumwe za Amerika kigaragaza ko umubare w’ingimbi n’abangavu bakoresha ikiyobyabwenge cya ‘Nicotine’ cyazamutseho 36%, bakavuga ko iri zamuka ryatewe n’ubwiyongere bw’icuruzwa rya e-cigarette.

Itegeko ryo kugura itabi muri leta ya California ari naho umujyi wa San Francisco, uherereye rivuga ko umuntu ufite imyaka 21 ariwe wemerewe kurigura.

Umuvugizi Altria Group’ ari nacyo gikora e-cigarette, avuga ko bafashe ingamba zikomeye kugira ngo abana bato badakoresha ibicuruzwa byabo.

San Francisco wabaye Umujyi wa mbere uhagaritse e-cigarette muri USA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza