Umugore wa Trump yajyanye mu nkiko ibinyamakuru byatangaje ko yakoraga uburaya

Yanditswe na Philbert Girinema
Kuya 2 Nzeri 2016 saa 08:53
Yasuwe :
0 0

Melania Trump yajyanye mu rukiko ikinyamakuru Daily Mail cyo mu Bwongereza n’Umwanditsi w’Umunyamerika ukoresha Blog witwa Webster Tarpley, abaka miliyoni $150 kubera ibyo bigeze ku mwandikaho ko yicuruzaga ahagana mu 1990.

Daily Mail iherukaga kwandika ko Melania yaba yarakoraga uburaya mu Mujyi wa New York, ndetse akaba yarahuye n’umugabo we Donald Trump ubu uri kwiyamamariza kuyobora Leta Zunze Ubumwe za Amerika mbere y’igihe bemeza ko bamenyaniyeho.

Umwanditsi wa Blog Tarpley we ngo yanditse ko umugore wa Trump atinya bikomeye ko ahahise he hamenyekana.

Umunyamategeko wa Melania, Charles Harder, yatangaje ko bamaze gutanga ikirego ndetse ibyo ibi binyamakuru byagiye bitangaza ari “ibinyoma bisa”.

Mu itangazo yashyize ahagaragara, yakomeje agira ati "Abaregwa batangaje byinshi kuri Madamu Trump kandi ari ibinyoma 100%, birangiza bikomeye isura ye nk’umuntu ndetse n’inshingano ze,’’

"Ibyo abaregwa bakoze birababaje cyane, bigamije inabi no guharabika Madamu Trump ku buryo ibyangijwe bibarirwa muri miliyoni $150’’

Melania Trump w’imyaka 46 yavukiye muri Slovenia, aza kwerekeza muri Leta Zunze Ubumweza Amerika ajyanwe no kumurika imideli ahagana mu 1990, ashyingiranwa na Donald Trump mu 2005.

BBC yatangaje ko inyandiko z’urukiko zigaragaza ko Daily Mail yasohoye inkuru irimo amakuru ikesha ikindi kinyamakuru cyo muri Slovenia cyitwa Suzy, ivuga ko ikigo kimurika imideli umugore wa Trump yakoragamo cyanacuruzaga abakobwa ku bagabo babakeneye.

Hanagaragaramo umunyamakuru Bojan Pozar wo muri Slovania ahamya ko umugore wa Trump yigeze kwifotoza yambaye ubusa i New York mu 1995 ndetse agahura na Donald Trump muri uwo mwaka, hakaba ari mbere y’imyaka itatu y’igihe kivugwa kuko bo bahamya ko bahuye mu 1998.

Umunyamategeko we avuga ko Melania Trump yageze muri Amerika mu 1996.

Webster Tarpley we arazira ko yatangaje ko umugore wa Trump "bivugwa ko yahiye ubwoba bw’ibishobora gutangazwa n’abakiliya be b’abakire mu bihe bye nk’indaya yo ku rwego rwo hejuru’’ kandi ko “yacitse intege mu buryo bukomeye’’.

Tarpley na Daily Mail biseguye ku nkuru zabo, ndese kuri uyu wa Kane Daily Mail yatangaje ko uburaya bwavuzwe itigeze yemeza ko aribwo, ndetse ko nubwo byaba atari byo, bishobora kugira ingaruka ku bikorwa byo kwiyamamaza kwa Trump ku mwanya w’Umukuru w’Igihugu muri Leta Zunze Ubumwe za Amerika.

Melania Trump yajyanye mu rukiko ikinyamakuru Daily Mail cyo mu Bwongereza n’Umwanditsi w’Umunyamerika ukoresha Blog witwa Webster Tarpley
Umwanditsi w’Umunyamerika ukoresha Blog witwa Webster Tarpley

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244