Umugore wa Perezida Kim Jong Un yongeye kugaragara mu ruhame nyuma y’umwaka

Yanditswe na Tuyishimire Raymond
Kuya 17 Gashyantare 2021 saa 09:33
Yasuwe :
0 0

Umugore wa Perezida wa Koreya y’Amajyaruguru Kim Jong Un, Ri Sol Ju, kuri uyu wa Gatatu yagaragaye mu ruhame ubwo yari mu birori byo kwizihiza isabukuru y’amavuko ya Se wa Kim, ari we Kim Jong Il.

Ri Sol Ju yaherukaga kugaragara mu ruhame muri Mutarama 2020 nabwo mu birori byo kwizihiza umwaka mushya .

Kuva icyo gihe yari atarongera kugaragara mu ruhame ,byanatumye hatangira kwibazwa byinshi. Kimwe mu byatangajwe ko cyaba kiri inyuma yabyo ni uko yiteguraga kubyara akaba yaragombaga kwita ku buzima bwe .

Gusa hari ibindi byavugwaga ko umubano hagati yabo bombi utifashe neza. Abashinzwe urwego rw’ubutasi muri Koreya y’Amajyepfo kuwa Kabiri bavuze ko Ri yakumiriwe mu bikorwa byo mu ruhame mu rwego rwo kwirinda icyorezo cya Coronavirus.

Kugeza ubu muri Koreya y’Amajyaruguru ntabwo haragaragara umurwayi wa COVID-19 ariko urwego rushinzwe ubutasi muri Koreya y’Epfo ruvuga ko kuba Koreya y’Amajyarugu ifitanye umubano n’u Bushinwa nka hamwe hagaragaye bwa mbere COVID-19, bitakwizerwa ko nta murwayi uhari.

Ri Sol Ju yaherukaga kugaragara mu ruhame umwaka ushize muri Mutarama 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .