Ingoro y’Ubwami bw’u Bwongereza yatangaje ko uwo mukambwe w’imyaka 99, atajyanywe mu bitaro kuko arembye ahubwo ari uburyo bwo kumwitaho hakiri kare.

Yajyanywe mu bitaro bizwi nka King Edward VII Hospital biherereye i Londres mu Murwa Mukuru w’u Bwongereza.

BBC yatangaje ko yajyanywe mu bitaro ari mu modoka, bisabwe n’umuganga we. Ngo yari amaze iminsi yumva atameze neza, icyakora ntaho bihuriye na Coronavirus.

Mu kwezi gushize nibwo Igikomangoma Philip n’Umwamikazi Elisabeth II bahawe urukingo rwa Coronavirus, bakingirirwa mu rugo.

Igikomangoma Philip cyajyanywe mu bitaro i Londres