Umubare w’abanduye COVID-19 ku Isi warenze miliyoni 100

Yanditswe na Iradukunda Serge
Kuya 27 Mutarama 2021 saa 08:29
Yasuwe :
0 0

Kuva icyorezo cya COVID-19 cyagaragara bwa mbere mu Bushinwa umubare w’abamaze ku cyandura hirya no hino ku Isi warenze miliyoni 100.

Umurwayi wa mbere wa COVID-19 yagaragaye bwa mbere mu Bushinwa mu mperaza z’umwaka wa 2019. Kuva iki gihe umubare w’abayandura ku Isi yose n’uw’abo ihitana ntusiba kwiyongera.

Kugeza ubu ku Isi iki cyorezo cyorezo kimaze guhitana abantu barenga miliyoni ebyiri mu gihe abagera kuri miliyoni 55 bagikize. Bitewe n’ubukana bwa COVID-19 mu bihugu byinshi ubuzima busa n’aho bwahagaze kubera ingamba zo kwirinda zigenda zishyirwaho zirimo Guma mu rugo, gushyiraho amasaha ntarengwa yo gutaha ndetse no gufunga ibikorwa bitandukanye.

Leta Zunze Ubumwe za Amerika ziza ku isonga mu bihugu byugarijwe cyane n’iki cyorezo aho abamaze kwandura babarirwa muri miliyoni 25 bangana na kimwe cya kane cy’abamaze kwandura ku Isi hose ndetse n’abamaze gupfa barenga ibihumbi 424.

Ikindi gihugu cyugarijwe cyane na COVID-19 ni u Buhinde bufite abanduye barenga miliyoni 10 n’abagera ku bihumbi 153 kimaze gupfusha. Mu bindi bihugu byugarijwe cyane harimo Brésil, u Burusiya, u Bwongereza, u Bufaransa, Espagne n’u Butaliyani.

Afurika y’Epfo n’icyo gihugu cyugarijwe cyane ku mugabane wa Afurika, aho ifite abamaze kwandura barenga miliyoni 1.4 n’abapfuye ibihumbi 41. Kugeza ubu abamaze kwandura iki cyorezo muri Afurika yose bararenga miliyoni ebyiri.

Bitandukanye n’ikindi gihe cyose ubu abatuye Isi bafite icyizere cy’uko bazabasha guhashya COVID-19 ahanini biturutse mu nkingo zayo zatangiye gutangwa hirya no hino ku Isi, gusa hakaba hakiri impungenge zijyanye n’uko ibihugu bikennye bizarubona.

Uretse kugerwaho n’inkingo mu buryo bungana hatitawe ku bihugu bikize n’ibikennye ikindi giteye impungenge ni ubwoko bushya bwa COVID-19 bwatangiye kugaragara mu bihugu nka Afurika y’Epfo n’u Bwongereza.

U Bwongereza ni kimwe mu bihugu byugarijwe cyane na COVID-19 imaze kwandurwa n'abarenga miliyoni 100 ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .