U Bwongereza bwateye utwatsi ibyo kumviriza telefone ya Trump

Yanditswe na Uwishyaka Jean Louis
Kuya 17 Werurwe 2017 saa 01:01
Yasuwe :
0 0

Urwego rushinzwe ubutasi mu Bwongereza, rwasohoye itangazo ryamagana ibiherutse gutangazwa n’umuyobozi ushinzwe itangazamakuru mu biro by’umukuru wa Leta Zunze Ubumwe za Amerika, Sean Spicer arushinja kumviriza telefone ya Donald Trump ubwo yari mu bikorwa byo kwiyamamaza.

Ibi Sean Spicer yabitangarije televiziyo ya Fox News mu ntangiriro z’iki cyumweru.

Uretse uwo muyobozi, Trump na we ubwe yavuze ko mu bikorwa bye byo kwiyamamaza umuturirwa we wubatswe I New York uzwi nka ’ Trump Tower’ wari ucunzwe bikomeye, gusa nta gihamya cy’ibyo avuga atanga.

BBC ivuga ko urwego rw’ubutasi rw’u Bwongereza, bwamaganye ibivugwa n’abo bayobozi ba Amerika, bahamya ko ibyo birego nta shingiro bifite ndetse ko binateye isoni.

Ibi birego byazamuwe na Andrew Napolitano wahoze ari umucamanza muri Leta Zunze Ubumwe za Amerika, biza gushimangirwa na Spicer asubiramo amagambo ya Napolitano, yemeza ko hari abantu batatu bakora mu rwego rw’ubutasi batangaje ko Barack Obama yari yaratanze amabwiriza y’uko ubwo butasi bukorwamo.

Ati“Ntiyigeze yifashisha NSA, ntiyanakoresheje CIA cyangwa FBI yewe kimwe na Minisiteri y’ubutabera, ahubwo yakoresheje urwego rw’ubutasi rw’u Bwongereza (GCHQ).

Abasenateri muri Amerika, kuri uyu wa Kane, tariki 16 Werurwe batangaje ko nta kigaragagaza ko umuturirwa wa Trump Tower wigezwe ugenzurwa na Leta ya Amerika haba mbere cyangwa nyuma y’amatora y’umukuru w’igihugu yabaye mu Ugushyingo umwaka ushize.

Ibi bije nyuma y’aho Trump yashinje Obama yasimbuye kumwuviriza kuri Telefoni, ibyamaganiwe kure n’umuyobozi w’ishami rishinzwe ubutasi muri Sena y’iki gihugu, Richard Burr.

Trump avuga ko inyubako ye yagenzurwaga bikomeye ubwo yabaga ari mu bikorwa byo kwiyamamaza/Ifoto :Internet

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244