U Bwongereza bwabaye igihugu cya mbere i Burayi abishwe na Coronavirus barenze ibihumbi 100

Yanditswe na Akayezu Jean de Dieu
Kuya 27 Mutarama 2021 saa 07:38
Yasuwe :
0 0

Abantu 100.162 bishwe na Coronavirus mu Bwongereza, bituma kiba igihugu cya mbere ku mugabane w’i Burayi kimaze gupfusha abantu ibihumbi ijana bishwe na Coronavirus.

Ni imibare yatangajwe kuri uyu wa Mbere tariki 26 Mutarama 2021, mu gihe Guverinoma y’iki gihugu yashyize imbaraga nyinshi mu gukingira abatura bayo kugira ngo batsinde iki cyorezo.

Mu Bwongereza kandi bari mu cyiciro cya gatatu cya guma mu rugo, aho kuri ubu icyorezo noneho gifite ubukana bwinshi.

Minisitiri w’Intebe w’u Bwongereza, Boris Johnson yavuze ko muby’ukuri ntacyo leta itakoze mu guhangana n’iki cyorezo.

Yakomeje agira ati “Mbabajwe n’ababuze ubuzima bose.”

Minisitiri w’Intebe kuri uyu wa Kabiri, yabwiye abanyamakuru ko “Bigoye kubara akababaro batewe n’iyi mibare iteye ubwoba.” Yihanganishije ababuze ababo.

Imibare igaragaza ko kuri uyu wa Kabiri kandi u Bwongereza bwabaruye abantu 20,089 banduye Coronavirus bituma iki gihugu gikomeza kugira umubare munini w’abandura muri iyi minsi ndetse n’umubare w’abarembeye mu bitaro n’abicwa n’icyorezo ukomeza kwiyongera.

U Bwongereza nicyo gihugu cya gatanu cyagize umubare munini w’abantu bishwe na Coronavirus aho cyarengeje 100.000, kiza nyuma ya Leta Zunze Ubumwe za Amerika, Burezili, u Buhinde na Mexique.

u Bwongereza bwabaye igihugu cya mbere ku mugabane w'u Burayi abishwe na Covid-19 barenze ibihumbi 100

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .