U Bwongereza: Abadepite baganiriye ku busabe bwa kamarampaka kuri Brexit

Yanditswe na Ishimwe Israel
Kuya 7 Nzeri 2016 saa 10:50
Yasuwe :
0 0

Abadepite mu Nteko Ishinga Amategeko y’u Bwongereza bunguranye ibitekerezo ku busabe bw’abarenga miliyoni enye bifuza ko haba kamarampaka ya kabiri yo kwemeza niba iki gihugu gikwiye kuva mu Muryango w’Ubumwe bw’u Burayi (Brexit).

Ku itariki ya 23 Kamena 2016 ni bwo habaye kamarampaka aho abagera kuri miliyoni 17.4 bangana na 51.9% batoye bemeza ko u Bwongereza bukwiye kuva muri EU naho 48.1% (miliyoni 16.1) bemeje kuguma muri uyu muryango.

Nyuma y’iyi kamparampaka abagera kuri miliyoni 4.14 bahise bandika basaba ko haba kamparampaka ya kabiri.

Abadepite mu Nteko Ishinga Amategeko y’u Bwongereza bategetswe kungurana ibitekerezo ku busabe bwasinywe n’abantu barenga ibihumbi 100.

Nubwo ibi biganiro kuri ubu busabe byabaye ku wa Mbere bitigeze biha abadepite uburenganzira bwo kwemeza niba koko kamarampaka ya kabiri ikwiye kuba, byagaragaje ko Brexit ikomeje kutavugwaho rumwe mu gihugu.

Minisitiri mushya ushinzwe ibijyanye n’ishyirwa mu bikorwa rya Brexit, David Davis yavuze ko nta kabuza u Bwongereza buzava muri EU kandi ko ntawe ukwiye kugerageza gutinza ubushake bw’abaturage.

Bamwe mu badepite na bo bavuze ko kamarampaka ya kabiri ari ugutesha agaciro ibyifuzo by’Abongereza.

John Penrose ubarizwa mu ishyaka ry’abadaharanira impinduka [Conservateur] yavuze ko Brexit igomba gushyirwa mu ngiro kandi ko aba-Democrates bakwiye kubyakira hatitawe ku ruhande bariho mbere y’uko ibyavuye muri kamarampaka bitangazwa ahubwo bagafatanyiriza hamwe gushyira mu bikorwa ibyemejwe.

David Lammy, wo mu ishyaka ry’abakozi [Labour Party], ritavuga rumwe na leta we yavuze ko ubwo amatora ya kamarampaka yari yegereje abaturage babeshywe ndetse ko Brexit itasobanuwe neza, bityo kongera gutora akaba ari bwo buryo bwonyine bwo gusubiza ibintu ku murongo.

Al Jazeera dukesha iyi nkuru ivuga ko uretse abo mu ishyaka ry’abakozi badashyigikiye ibivugwa na Davis kuko hari n’abadepite bo mu ishyaka riri ku butegetsi (Conservative party) basaba guhabwa ibisobanuro bihagije aho bemeza ko leta yiteguye neza kuba Brexit yashyirwa mu bikorwa.

Nubwo ariko abadepite bagize icyo bavuga kuri kamarampaka ya kabiri, Minisitiri w’Intebe, Theresa May we yavuze ko itazabaho ko ahubwo ari gutegura ibikwiye gukurikizwa u Bwongereza bukava muri EU bwinjiyemo bwa mbere mu 1973.

Benshi batangiye gusaba leta ko yakwemerera Inteko Ishinga Amategeko kwifashisha ingingo ya 50 mu masezerano ya Lisbon, ari na yo izatangiza inzira nyayo yo kuva muri EU aho kwemerera Minisitiri w’Intebe gufata icyemezo wenyine.

Abaturage barenga miliyoni enye bagaragaje ko bifuza ko haba kamarampaka ya kabiri yo kwemeza niba iki gihugu gikwiye kuva mu Muryango w’Ubumwe bw’u Burayi

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244