00:00:00 IGIHE NETWORK KN KINYARWANDA EN ENGLISH FR FRANCAIS

U Butaliyani: Impanuka y’indege yahitanye abantu umunani barimo umuherwe w’Umunya-Romania

Yanditswe na Muhonzire Sylvine
Kuya 4 Ukwakira 2021 saa 10:00
Yasuwe :
0 0

Mu Mujyi wa Milan mu Butaliyani habereye impanuka y’indege [Private jet] yahise yahitanye abantu umunani barimo umuherwe w’Umunya-Romania, Dan Petrescu, umugore we ndetse n’umuhungu wabo w’imyaka 30.

Iyi ndege ya Pilatus PC-12 bivugwa ko yamanutse iri gushya igonga inyubako irimo ubusa muri uyu Mujyi wa Milan, nayo ihita ishya ndetse n’imodoka zari ziparitse imbere yayo ziragurumana.

BBC dukesha iyi nkuru ivuga ko iyi ndege yari itwawe n’uyu muherewe, Dan Petrescu w’imyaka 68, wari kumwe n’umuryango we, iturutse ku kibuga cy’indege cya Linate muri Milan igiye ku kirwa cya Sardinia giherereye mu nyanja ya méditerranée.

Umwe mu babonye iyo ndege igwa, Giuseppe, yavuze ko yabanje kumva urusaku rw’indege hejuru ye bimeze nk’aho moteri yayo igiye kuzima.

Yakomeje agira ati “Maze kumva ibyo nahise numva urusaku rwinshi rw’ikintu gituritse, amadirishya y’inzu yacu atangira gutigita, mfungura idirishya rimwe mbona umwotsi mwinshi cyane uri kuzamuka.”

Ababonye iyo mpanuka bavuze ko nta muntu wapfiriye aho yagwiriye, ariko mu bandi yahitanye harimo Abafaransa babiri, Umutaliyani umwe ndetse n’Umunya-Canada umwe.

Icyateye iyo mpanuka ntabwo cyahise kimenyekana, kuko Ikigo gishinzwe kugenzura ingendo z’indege cyo mu Butaliani, ENAV, cyatangaje ko cyabuze iyo ndege kuri radar mu minota mike igihaguruka, gusa hatangiye iperereza ry’icyateye iyo mpanuka.

Umuherwe Dan Petrescu ukomoka muri Romania niwe wari uyitwaye akaba yapfanye n'umugore we n'umwana wabo
Yahitanye abantu umunani
Abashinzwe kuzimya inkongi ndetse n'ababonye iyo mpanuka batangaje nta muntu wapfiriye aho yaguye
Igice kimwe cy'iyo ndege yakoze impanuka
Inyubako iyi ndege yagonze n'imodoka zari ziyegereye byose byafashwe n'inkongi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .