Kwamamaza

U Butaliyani: Hashyizweho umunsi w’icyunamo nyuma y’umutingito wahitanye imbaga

Yanditswe kuya 27-08-2016 saa 08:46' na Philbert Hagengimana


Mu Butaliyani hashyizweho umunsi w’icyunamo nyuma y’umutingito udasanzwe uherutse guhitana abayingayinga 300 mu mijyi itandukanye.

Aho uwo mutingito wageze hatangajwe ibihe by’amage, hanakusanywa ama euro 50,000,000 ni ukuvuga asaga miliyari 40,000,000,000 mu mafaranga y’u Rwanda, akaba agenewe gusana no kubaka bundi bushya inyubako zasenywe n’uwo mutingito.

Kugeza ubu, imibare yizewe y’abamaze guhitanwa n’uwo mutingito wari ku kigero cya 6,2, ni 278, gusa ubuyobozi bukavuga ko bugikomeje gushakisha niba haba hari uwaba agihumekera munsi y’ibikuta cyangwa niba hari imirambo yaba ikirimo.

Minisitiri w’Intebe w’u Butaliyani, Matteo Renzi arifatanya n’abo mu Mujyi wa Arquata, mu muhango wo gushyingura ababo bahitanywe n’uwo mutingito, dore ko uwo mujyi uri mu hibasiwe cyane.

Kuri uyu munsi w’icyunamo, ibendera rigomba kururutswa kugeza hagati, nk’uko BBC ibitangaza.

Abasaga 200 ni bo baguye mu gace ka Amatrice honyine, hakiyongeraho ab’i Arquata, Accumoli na Pescara del Tronto, imijyi na yo yashegeshwe.

Imirambo y’abahitanywe n’uwo mutingito yakusanyirijwe mu buruhukiro bumwe mu mujyi wa Rieti kugira ngo ababuze ababo baze barebe ko bababonamo, aba mbere bakaba baranashyinguwe i Amatrice kuri uyu wa Gatanu.

Abantu 388 ni bo bakomerekeye muri uwo mutingito wasize abasaga 2000 batagira aho bikinga, kuko wabasenyeye ntubasigire na busa.

Kuwa Gatatu w’iki cyumweru ni bwo mu Majyaruguru ashyira Uburasirazuba bwa Roma hafi y’umujyi wa Perugia mu Butaliyani habaye umutingito ukaze wari ku gipimo cya 6,2.

Uwo mutingito kandi wumvikanye mu bice bitandukanye by’igihugu,birimo Umbria, Lazio, Le Marche, Bologna, Naples ndetse no mu murwa mukuru Roma aho zimwe mu nyubako zatigise mu gihe cy’amasegonda 20.

Mu mwaka wa 2009, undi mutingito uri ku kigero cya ‘magnitude’ 6.3 wibasiye agace ka Agion, wambukira no mu murwa mukuru uhitana abagera kuri 300, ubuyobozi bw’icyo gihugu bukaba bwinenga kuba nta cyakozwe ngo hirindwe ingaruka nk’izo ejo hazaza.

Bamwe batangiye gushyingura ababo baguye mu mutingito
Umutingito wahitanye benshi wangiza n'ibitagira ingano

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 13 Ukwakira 2016
Copyright © 2009 -2014 - IGIHE Ltd - All Rights Reserved