Kwamamaza

U Butaliyani bwongeye kwibasirwa n’umutingito ukomeye

Yanditswe kuya 27-10-2016 saa 12:53' na Mukaneza M.Ange


Inyubako nyinshi zasenyutse n’abantu barakomereka nyuma y’umutingito uri ku kigero cya 5.5 wibasiye agace ka Visso gaherereye mu ntara ya Macerata mu Butaliyani.

Uyu mutingito wabaye ku wa Gatatu ahagana saa 17:10(GMT), nyuma y’amasaha abiri waje gukurikirwa n’undi uri ku kigero cya 6.1.

Muri Kanama 2016, agace ka Amatrice gahereye muri kilometero 70 uvuye Visso nako kibasiwe n’umutingito wahitanye abantu bagera kuri 300.

Umuyobozi ushinzwe ibikorwa byo kurengera abaturage, Fabrizio Curcio yavuze ko mu bantu basaga 10 bakomeretse bane aribo bikomeye kandi ko ntawigeze ahasiga ubuzima.

Umwe mu baturage baganiriye na BBC yavuze ko umujyi wa Camerino uri mu yashegeshwe n’uyu mutingito cyane aho insengero ebyiri zasenyutse ndetse n’inzu nyinshi, abahatuye bakaba bakomeje kujya gushakisha aho bacumbika.

Inyubako nyinshi zifite amateka akomeye zirimo urusengero rwa San Salvatore rwubatswe mu kinyejana cya 15 na zo zasenyutse ndetse hangirika n’umuhanda munini uherereye mu majyaruguru y’umujyi wa Roma.

Ibiro bishinzwe ibijyanye n’imiterere y’isi (National Institute of Geophysics) byatangaje ko iyi mitingito yombi ifitanye isano n’uwabaye muri Kanama.

Inyubako nyinshi zasenyutse kubera uyu mutingito

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved