U Butaliyani bwibasiwe n’umutingito ukomeye

Yanditswe na Philbert Girinema
Kuya 30 Ukwakira 2016 saa 05:10
Yasuwe :
0 0

Umutingito ukomeye uri ku kigero cya 6.6 wibasiye Umujyi wa Norcia mu Butaliyani wangiza inyubako nyinshi gusa nta muntu biratangazwa ko yawuguyemo.

Hari hashize igihe kigera ku mezi abiri na none umutingito wibasiye ibice bitandukanye by’u Butaliyani ukangiza ibintu byinshi ndetse n’abantu bagera kuri 300 bakahasiga ubuzima.

Umutingito wo mu gitondo cyo kuri iki Cyumweru wari ukomeye ugereranyije n’uwo muri Kanama. Abantu bagera kuri 20 nibo bagizweho ingaruka n’uyu mutingito. Gusa icyenda bari baguweho n’inzu batabawe bakiri bazima nkuko ibinyamakuru bitandukanye byo mu Butaliyani byagiye bibitangaza.

Imitingito ikomeye yibasiwe n’u Butaliyani

- Ukwakira 2016: Umutingito wibasiye Norcia wari uri ku kigero cya 6.6, nta muntu wapfuye.

- Ugushyingo 1980: Wibasiye Campania, mu Majyepfo y’u Butaliyani, wari ku kigero cya 6.9, ugwamo abagera ku 5000

- Nyakanga 1930: Wibasiye Irpinia, wari ku kigero cya 6.6 uhitana abantu bagera ku 1400

- Mutarama 1915: Wibasiye L’Aquila wari ku kigero cya 6.7, uhitana abantu 30000.

- Ukuboza 1908: Wibasiye Messina uri ku kigero cya 7.1 aho abagera ku 200000 bapfuye.

- Nzeli 1905: Umutingito wibasiye Calabria uri ku kigero cya 7.2 ugwamo abagera ku 2500.

Uyu mutingito wangije byinshi muri Norcia


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza