U Butaliyani bwashyizeho guma mu rugo mu kwirinda ubwiyongere bwa Covid-19 muri Pasika

Yanditswe na Umwali Zhuri
Kuya 3 Mata 2021 saa 01:47
Yasuwe :
0 0

U Butaliyani bwinjiye mu minsi itatu ya guma mu rugo mu kwirinda ubwiyongere bw’icyorezo cya Covid-19 mu gihe cy’iminsi mikuru ya Pasika.

Ubu muri iki gihugu, ibice byose byashyizwe muri “zone itukura” ahubahirizwa ingamba zikaze zo kwirinda. Bibaye ariko mu gihe n’umubare w’ubwandu nawo ukiri hejuru aho ku munsi nibura haboneka abantu ibihumbi 20 banduye.

Ubu ingendo zitari ngombwa zakumiriwe, abantu bemerewe gusangirira pasika mu ngo gusa.

Insengero zemerewe gufunguwe ariko abasenga basabwa kwitabira amasengesho batavuye mu duce batuyemo.

Papa Francis ku nshuro ya kabiri yikurikiranya azatangira ubutumwa bwa Pasika ku mbuga yitiriwe Mutagatifu Petero nta bantu bahari.

Nibura abantu barenga 110.300 bamaze guhitanwa na Covid-19 mu Butaliyani ndetse hari abarenga miliyoni 3,6 bamaze kwandura.

U Butaliyani bwashyizeho gahunda ya Guma mu Rugo mu kwirinda ubwiyongere bwa Covid-19 mu gihe cy'iminsi mikuru ya Pasika /Ifoto: EPA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .