00:00:00 IGIHE NETWORK KN KINYARWANDA EN ENGLISH FR FRANCAIS

U Bushinwa bwasabwe kugaragaza ubufatanye mu gushakisha inkomoko ya COVID-19

Yanditswe na IGIHE
Kuya 16 Nyakanga 2021 saa 03:27
Yasuwe :
0 0

Umuyobozi w’Ishami ry’Umuryango w’Abibumbye ryita ku Buzima (OMS), Dr Tedros Adhanom Ghebreyesus, yasabye u Bushinwa kuzagaragaza ubufatanye buhagije mu gihe abashakashatsi b’iri shami bazaba basubiye gukora iperereza ku nkomoko ya COVID-19.

Abashakashatsi ba OMS bagiye gusubira mu Bushinwa gukora icyiciro cya kabiri cy’ubushakashatsi ku nkomoko ya COVID-19 nyuma y’uko icyiciro cya mbere cy’ubu bushakashatsi cyari cyarangiye muri Gashyantare 2021. Cyakorewe mu Mujyi wa Wuhan.

Iki cyiciro cya mbere cy’ubushakashatsi cyakorewe muri Wuhan ahagaragaye umurwayi wa mbere wa COVID-19, kirangira hanzuwe ko COVID-19 itakorewe muri laboratwari nk’uko byakekwaga ahubwo hagaragazwa ko ishobora kuba yaraturutse mu ducurama.

Ku wa 15 Nyakanga 2021, Dr Tedros yavuze ko mu bushakashatsi bwa mbere hari ubwo u Bushinwa bwabangiye kugera kuri amwe mu makuru arimo ajyanye n’abarwayi ba mbere b’iki cyorezo ndetse n’ajyanye na laboratwari yo muri Wuhan bikekwa ko yaba yarakorewemo COVID-19.

Dr Tedros yasabye u Bushinwa kuzafasha aba bashakashatsi mu buryo bushoboka bwose kugira ngo bagere ku makuru ashobora kurokora abantu. Yasabye abatuye Isi gukomeza kwigengesera kuko COVID-19 ntaho irajya.

Umuyobozi w’Ishami ry’Umuryango w’Abibumbye ryita ku Buzima (OMS), Dr Tedros Adhanom Ghebreyesus yasabye u Bushinwa kugaragaza ubufatanye mu gushakisha inkomoko ya COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .