00:00:00 IGIHE NETWORK KN KINYARWANDA EN ENGLISH FR FRANCAIS

U Bushinwa bwabwiye Amerika ko iri gukina n’umuriro ku kibazo cya Taiwan

Yanditswe na IGIHE
Kuya 16 Ugushyingo 2021 saa 12:55
Yasuwe :
0 0

Perezida w’u Bushinwa, Xi Jinping, yagiranye ikiganiro na mugenzi we wa Leta Zunze Ubumwe za Amerika, Joe Biden, yihanangiriza Amerika ko gushyigikira ko Taiwan yigenga ari nko gukina n’umuriro.

Ibi biganiro biri mu byafashwe nk’ingenzi bihuje aba bombi kuva Biden yafata ubutegetsi muri Mutarama 2021, bikaba byari bigamije guhosha amakimbirane hagati y’ibihugu byombi.

Mu byaganiriweho harimo n’ingingo ikomeye ijyanye n’ukwigenga kwa Taiwan mu gihe u Bushinwa buyifata nk’intara ishobora kuzongera kwiyunga ku gihugu umunsi umwe.

Leta Zunze Ubumwe za Amerika zemera ko zifitanye umubano n’u Bushinwa ariko ziyemeje gufasha Taiwan mu kwirwanaho mu gihe yaba igabweho ibitero.

Ikinyamakuru Global Times cyatangaje ko Perezia Xi yateye utwatsi ibikorwa by’abayobozi ba Taiwan baherutse gushaka inkunga y’Abanyamerika muri gahunda yabo yo gushaka ubwigenge.

Ati “Ibi bikorwa ni bibi cyane, ni nko gukina n’umuriro. Umuntu wese ukina n’umuriro azashya.”

Perezidansi ya Amerika yatangaje ko Biden adashyigikiye ibikorwa byo guhungabana amahoro n’ituze cyangwa guhindura politiki ya Taiwan.

Nubwo ibihugu byombi bipfa Taiwan, abakuru babyo bombi batangiye inama mu byishimo. Xi yavuze ko yishimiye kubonana n’inshuti ye ya kera, naho Biden avuga ko bombi baganiriye nta buryarya.

Xi yavuze ko ibihugu byombi bikeneye kuvugurura itumanaho no guhangana n’ibibazo hamwe.

Ibiganiro bya Biden na Xi byabaye hakoreshejwe iyakure

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .