Kwamamaza

U Burusiya: Uruganda rwa Nickel rwemeye ko rwateye umugezi wa Dalydkan gutukura

Yanditswe kuya 13-09-2016 saa 11:04' na Mukaneza M.Ange


Norilsk Nickel, uruganda rwa mbere ku isi mu gutunganya ibikoresho bikozwe mu butare bwa nickel, rwemeye ko rwagize uruhare mu gutuma umugezi wa Dalydkan, mu Burusiya uhinduka umutuku nk’amaraso mu cyumweru gishize.

Ubuyobozi bwa Norilsk Nickel bwavuze ko uku guhinduka umutuku cyane k’uyu mugezi, ngo byaturutse ku mvura ikomeye yaguye ku itariki 5 Nzeri 2016, ituma kimwe mu byobo by’amazi mu ishami ryarwo riri Nadezhda cyuzura, maze atembera mu mugezi wa Daldykan.

Bakomeza bavuga ko nta mpungenge zagakwiye kubaho kuko nta ngaruka uku guhinduka nk’amaraso k’uyu mugezi byagira ku buzima bw’abantu ndetse n’inyamaswa.

Gusa Alexei Kiselyov, ukora mu kigo kibungabunga ibidukikije mu Burusiya, yabwiye Ibiro ntaramakuru by’Abafaransa, AFP ko hakiri kare kugira ngo hemezwe ko nta ngaruka uku guhinduka k’uyu mugezi bizagira ku buzima bw’abantu cyangwa inyamaswa.

Yakomeje avuga ko Norilsk Nickel ari yo igenzura igice cy’ubutaka bwo mu kirwa cya Taymyr ari naho ibi byabereye, bityo ko hakwiye gukorwa iperereza ryimbitse ku mwanda waturutse muri uru ruganda.

Ubwo amafoto y’uyu mugezi yashyirwaga hanze mu cyumweru gishize, Minisiteri y’ibidukikije yagaragaje ko uku guhinduka nk’amaraso bishobora kuba byaratewe n’imyanda yanyuze muri imwe mu mpombo z’uru ruganda.

Ibi ariko Norilsk Nickel yabyamaganiye kure kimwe no kuba ku itariki 7 Nzeri 2016 bivugwa ko uru ruganda rwashyize hanze amafoto agaragaza umugezi wa Daldykan wasubiranye ibara risanzwe.

Abaturage bo mu mujyi wa Norilsk uru ruganda ruherereyemo, bakunze kurushinja kutubahiriza amabwiriza arebana no kutangiza ibidukikije.

Umugezi wa Daldykan watunguye benshi ubwo wahindukaga umutuku nk'amaraso

[email protected]


Kwamamaza
IZINDI NKURU WASOMA
Ifoto y’umunsi
2016-09-27 08:20:56
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved