Kwamamaza

U Burusiya: Hashyizwe ahagaragara igisasu cyiswe ’Satani 2’ cyarimbura u Bufaransa

Yanditswe kuya 27-10-2016 saa 10:49' na Cyprien Niyomwungeri


Ikigo cy’Abarusiya gikora ibisasu bya kirimbuzi, ‘Makeyev Rocket Design Bureau’, cyashyize ahagaragara ishusho ya mbere y’igisasu gishya gikomeye cya RS-28 Sarmat cyahawe izina ’Satani 2’.

Icyo gisasu cyagaragaye ku rubuga rwa internet rw’iki kigo, gifite ubushobozi bwo kurimbura ibice by’Isi bingana n’Umujyi wa Texas cyangwa u Bufaransa.

Ku wa Kabiri w’iki cyumweru Minisitiri wungirije w’Ingabo mu Burusiya, Yuri Borsiov, yabwiye Ibiro Ntaramakuru by’icyo gihugu, TASS, ko igisasu cya Sarmat gifite ubushobozi bwo kurimbura ahantu hose cyakoherezwa haba mu Majyaruguru n’Amajyepfo y’Isi.

Nkuko CNN ibitangaza, iki gisasu cyakozwe ngo gisimbure icya R-36M. Gishobora kugenda ibirometero ibihumbi 11, kandi gifite uburemere bwa toni 100.

Makeyev Rocket Design Bureau ni kimwe mu bigo bikomeye by’u Burusiya bikora ubushakashatsi mu bijyanye n’ikorwa ry’ibisasu bigezweho n’ibindi bigendanye n’ikoranabuhanga.

Kiriya gisasu cyageragejwe muri Kanama, cyakozwe ngo gifashe ingabo z’Abarusiya kwirinda intwaro za kirimbuzi zikoranye ubumara bukaze.

Muri iyi minsi umwuka si mwiza hagati y’u Burusiya na Leta Zunze Ubumwe za Amerika n’ibindi bihugu bihuriye mu muryango wo gutabarana OTAN, byatumye ibyo bihugu byongera ingabo mu bihugu bihana imbibi n’u Burusiya. Ni igikorwa cyaciye amarenga ko hashobora kuba intambara benshi bita iya gatatu y’Isi.

Abaminisitiri b’Ingabo b’ibihugu bihuriye mu muryango wa OTAN, kuri ubu bateraniye mu nama mu Bubiligi kugira ngo baganire ku kibazo cy’u Burusiya ndetse n’uko barwanya umutwe w’abarwanyi wa Islamic State ukomeje guhitana abatari bake ku isi.

Iki gisasu ngo gifite ubushobozi bwo gusenya igice kingana n'u Bufaransa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved