Kwamamaza

U Burusiya bweruye ku mikoranire mishya n’u Burundi nyuma yo gutereranwa n’u Burayi

Yanditswe kuya 10-11-2016 saa 19:21' na Rabbi Malo Umucunguzi


Perezida Vladmir Putin w’u Burusiya yakiriye impapuro zemerera abambasaderi 19 guhagararira ibihugu byabo mu Burusiya barimo Edouard Bizimana w’u Burundi, ahishura ko igihugu cye n’u Burundi bari mu mishinga ikomeye y’ubufatanye, mu gihe buhanganye no kugarura ituze nyuma y’amezi asaga 17 buri mu bibazo bya politiki.

Ibyo bihugu byohereje ba ambasaderi mu Burusiya birimo Bosnia na Herzegovina, Burundi, Cambodia, Chad, Colombia, Equatorial Guinea, Finland, Gambia, u Bugereki, Iceland, Luxembourg, Mali, Montenegro, u Buholandi, New Zealand, Poland, Somalia, Turkmenistan n’Intumwa ya Papa muri iki gihugu.

Putin wari mu ngoro ye, Grand Kremlin Palace, yagiye avuga ku mubano w’u Burusiya n’ibyo bihugu byohereje abambasaderi.

Ageze ku Burundi, yagize ati “Umubano wacu na Repubulika y’u Burundi ukomeje kuba mwiza. Turi mu biganiro by’imishinga y’ubufatanye mu bijyanye n’ibikomoka kuri peteroli na gaz n’amabuye y’agaciro. Turifuriza igihugu cyawe kuva mu bibazo kirimo bijyanye na politiki n’amasezerano y’igihugu.”

Perezida Putin yanavuze kuri Syria, ko “ari urugero mu gusuzuma ubushobozi bw’umuryango mpuzamahanga n’uburyo witeguye guhuza imbaraga mu kurwanya iterabwoba, ikintu kiduhangayikishije twese, no gushakira umuti ibibazo byugarije Isi birimo umutekano n’ituze.’’

U Burusiya buri mu biganiro byo gukorana n’u Burundi, nyuma y’uko ibihugu by’i Burayi biheruka kubufatira ibihano bikomeye bijyanye n’ubukungu birimo umwanzuro wo guhagarika inkunga, na Leta Zunze Ubumwe za Amerika zifatira ibihano bamwe mu bayobozi bakuru b’u Burundi.

Icyo gihugu kiri mu bibazo kuva mu 2015 ubwo Perezida Pierre Nkurunziza uri ku butegetsi yafataga umwanzuro wo kwiyamamariza manda bamwe bafashe nk’iya gatatu, bituma birara mu mihanda ndetse bamukorera kudeta nubwo yaje gupfuba.

Kuva icyo gihe abaturage benshi bamaze kwicwa ndetse abasaga 300 000 bamaze kuva mu byabo, abenshibakaba barerekeje mu Rwanda, Tanzania, Repubulika Iharanira Demokarasi ya Congo na Uganda.

Vladmir Putin ubwo yakiraga impapuro zemerera ba Amabasaderi guhagararira ibihugu byabo mu Burusiya
Vladmir Putin yakira Ambasaderi w'u Burundi mu Burusiya

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved