00:00:00 IGIHE NETWORK KN KINYARWANDA EN ENGLISH FR FRANCAIS

U Bufaransa: Imyigaragambyo yamagana amategeko ahatira abantu gufata urukingo rwa Covid-19 (Video)

Yanditswe na IGIHE
Kuya 7 Kanama 2021 saa 05:34
Yasuwe :
0 0

Imyigaragambyo yubuye hirya no hino mu mihanda yo mu Bufaransa kuri uyu wa Gatandatu, aho abaturage bamagana amabwiriza mashya y’inzego z’ubuzima agena ko guhera ku wa Mbere abashaka kujya ahahurira abantu benshi bagomba kwerekana ibyangombwa birimo no kuba barikingije Covid-19.

Amategeko mashya, ashyigikiwe mu buryo bweruye na Perezida Emmanuel Macron, ategeka ko umuntu aba yarakingiwe Covid-19, yarapimwe bikagaragara ko atanduye cyangwa aherutse gukira Covid-19 mu minsi ya vuba kugira ngo yemererwe gukomeza ubuzima nk’uko bisanzwe.

Macron uteganya kuziyamamariza manda ya kabiri umwaka utaha yifuza ko abantu bose bakingirwa nka bumwe mu buryo bwo guca intege ikwirakwira rya Covid-19 cyane cyane iya ’Delta.’

Abatavuga rumwe na we bavuze ko aya mategeko ahonyora ubwisanzure bw’abantu mu gihugu nk’u Bufaransa aho nta muntu ukwiye guhungabanywa.

Guhera ku wa Mbere umuntu ushaka kujya muri restaurant cyangwa mu runywero, haba ahantu hafunze cyangwa mu busitani azasabwa kwerekana icyemezo. Ingendo zihuza imijyi zirimo izikoresha gari ya moshi yihuta n’izo mu ndege imbere mu gihugu na zo zizajya zisabwa icyo cyemezo.

Ubusanzwe cyarasabwaga guhera ku ya 21 Nyakanga kugira ngo umuntu yemererwe kwinjira ahantu hahurira abantu benshi nk’aherekanirwa sinema no mu Ngoro Ndangamurage.

Kongerwa kw’aya mabwiriza kwemejwe n’Inama ishinzwe Itegeko Nshinga, ku wa Kane nk’uko inkuru ya France24 ibivuga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .