U Bufaransa: Hatahuwe imiti yo kuboneza urubyaro yacuruzwaga idashobora kubuza gusama

Yanditswe na Tombola Felicie
Kuya 9 Mata 2018 saa 09:56
Yasuwe :
0 0

Ikigo cy’Igihugu gishinzwe ibijyanye n’imiti mu Bufaransa (ANSM) cyatahuye imiti yo kuboneza urubyaro izwi nka ‘optimizette Gé 75 yacuruzwaga nta bubasha ifite bwo kurinda uyikoresha gusama.

Byatahuwe nyuma yo gusanga agakarito kamwe karimo ibinini 21 mu gihe utundi tubamo ibinini 28.

Laboratwari yitwa Majorelle yakoze ibyo binini itangaza ko udukarito 36700 aritwo twagurishijwe hagati y’itariki ya 26 Mutarama kugeza tariki ya 5 Mata 2018 harimo uturimo ibinini bituzuye kandi bidashobora gufasha uwabinyoye kudasama.

ANSM mu itangazo yasohoye tariki ya 5 Mata 2018, yavuze ko kugeza ubu nta zindi ngaruka zigaragara ku bakoresheje iyo miti uretse gusa ko babasha gutwita.

Iki kigo cyahise gishyira hanze itangazo ry’uko abafite imiti ifite udukarito turiho imibare 1958550 yagombaga kuzarangira muri Nyakanga 2019, bayigarura aho bayiguriye bakaguranirwa.

Abakoreshaga iyi miti yo kuboneza urubyaro bakaba bazi neza ko batigeze bahura n’utwo dukarito turimo ibinini 21, basabwe kutajya gutangira bundi bushya iyo gahunda yo kuboneza urubyaro kuko imiti bafashe nta kibazo ifite.

Abafashe iyo miti ituzuye bo basabwe kujya kwa muganga kwisuzumisha ko baba batarasamye.

Ikigo cy’Igihugu gishinzwe ibijyanye n’imiti mu Bufaransa (ANSM) cyatahuye imiti yo kuboneza urubyaro izwi nka ‘optimizette Gé 75 yacuruzwaga nta bubasha ifite bwo kubuza uyikoresha gusama

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza