Minisitiri w’Umutekano w’imbere mu gihugu, Horst Seehofer, yatangaje ibi byemezo ku wa 28 Mutarama mbere gato y’uko haterana Inama y’Umuryango w’Ibihugu by’i Burayi, EU. Yavuze ko bigamije gukumira ubwandu bw’ubwoko bushya bwa Coronavirus.

Ibinyamakuru byo mu Budage byatangaje ko ibi byemezo biri bwemezwe bwa nyuma kuri uyu wa 29 Mutarama, bigatangira gushyirwa mu bikorwa ku wa 30 Mutarama.

Abagenzi babujijwe kwinjira muri iki gihugu ni abakoresha indege, gari ya moshi ndetse n’ubwato. Abadage baturuka muri ibi bihugu bo bazemererwa gutaha.

Abamaze kwandura COVID-19 mu Budage babarirwa muri miliyoni ebyiri mu gihe abo yahitanye barenga ibihumbi 55.

U Budage bwahagaritse kwakira abagenzi bava mu bihugu bine birimo na Afurika y'Epfo