00:00:00 IGIHE NETWORK KN KINYARWANDA EN ENGLISH FR FRANCAIS

U Budage: Abatarikingije COVID-19 bafatiwe ingamba zikomeye

Yanditswe na IGIHE
Kuya 21 Ugushyingo 2021 saa 10:58
Yasuwe :
0 0

Guverinoma y’u Budage yafashe ingamba zikomeye mu rwego rwo kwirinda ubwiyongere bw’abandura COVID-19 zirimo no kutemerera abatarikingije kujya muri restaurant n’ahandi hantu hahurira abantu benshi.

Iki gihugu kandi cyafashe icyemezo cy’uko abakora mu nzego z’ubuzima bose n’ibigo byita ku bakuze bagomba kwikingiza, abatarakingiwe bakajya berekana icyangombwa cy’uko nta COVID-19 bafite igihe bagiye mu modoka rusange cyangwa ibiro.

U Budage bufashe ibi byemezo nyuma y’iminsi imibare y’abandura COVID-19 muri iki gihugu yongeye kuzamuka.

Angela Merkel uyobora u Budage yavuze ko ibiri kuba mu Budage biri ku ‘rwego rukabije’ yemeza ko ‘hakwiye gufatwa ingamba zikakaye kugira ngo iyi imibare y’abanduye COVID-19 igabanuke’.

Kugeza ubu muri Leta 16 zigize u Budage, izigera kuri 13 zashyizwe mu cyiciro cya gatatu kibarizwamo ibice biba bifite ubwandu bwa COVID-19 buri hejuru.

Mu byumweru bibiri bishize, umubare w’abandura COVID-19 mu Budage wazamutseho 60%. Ku wa Gatanu tariki 19 Ugushyingo 2021, muri iki gihugu habonetse abarwayi bashya 52970, mu gihe ku munsi wari wabanje hari handuye abasaga ibihumbi 65. Inzego z’ubuzima zitangaza ku mu minsi mike iri imbere iyi mibare ishobora kwikuba kabiri.

Abatarikingije COVID-19 mu Budage ntibazemererwa gusubira muri restaurant n'ahandi hahurira abantu benshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .