Kwamamaza

U Bubiligi:Abapolisi babiri batewe ibyuma mu gikorwa cy’iterabwoba

Yanditswe kuya 5-10-2016 saa 18:11' na Rabbi Malo Umucunguzi


Abapolisi babiri mu karere ka Schaarbeek mu Murwa Mukuru Brussels, batewe ibyuma mu gikorwa inzego z’umutekano ziri gufata nk’icy’iterabwoba, nk’uko byatangajwe n’umuvugizi w’ibiro by’Ubushinjacyaha Bukuru.

Uyu muyobozi yabwiye CNN ko ahagana saa sita z’amanywa, abapolisi babiri basagariwe n’umuntu witwaje icyuma, nyuma biza kumenyekana ko ari Hicham D w’imyaka 43 ufite ubwenegihugu bw’u Bubiligi.

Ibinymakuru bitandukanye biravuga ko umupolisi umwe yatewe icyuma mu ijosi undi agiterwa mu gifu, mu gihe hari n’uwa gatatu wakomeretse ku zuru, uwakoze ibyo byose agahita araswa mu kuguru ajyanwa n’imbangukiragutabara.

Umutangabuhamya yabwiye RTBF ko uwo mugabo yakubise umupolisi wa mbere akagwa hasi mbere yo gusatira undi.

Umuvugizi w’Ibiro by’Ubushinjacyaha bukuru, Eric Van Der Sypt, yavuze ngo "hari ibimenyetso bitwereka iki ari igikorwa cy’iterabwoba,” ariko ashimangira ko ubuzima bw’aba bapolisi butameze nabi cyane.

Inzego zose i Brussels ziryamiye amajanja, cyane ko iki gikorwa cyabereye ku muhanda munini ugana aho ibitero biheruka byabereye, bikaba byakozwe nyuma y’amasaha make abagenzi bakuwe ahategerwa gari ya moshi muri ‘Gare du Nord’, ndetse igafungwa igihe kigera ku isaha yose.

Ibitero by’iterabwoba mu mujyi wa Brussels biheruka ku wa 22 Werurwe, ubwo abantu bitwaje ibisasu babiturikirizaga ku kibuga cy’indege n’ahategerwa gari ya moshi munsi y’ubutaka, byahitanye abantu 35 bigakomeretsa abagera kuri 300.

Abapolisi baragenzura aho iki gikorwa
Abapolisi n'abasirikare bari benshi ahabereye iki gikorwa cyafashwe nk'iterabwoba
Abashinzwe umutekano bahagaze ari benshi
Ahabereye iki gikorwa hahise hahurira abashinzwe umutekano benshi
Mbere y'amasaha make abantu bari baheze ahategerwa gari ya moshi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved