Kwamamaza

Trump yongeye kwibasira Clinton amushinja gushyigikira ivangura

Yanditswe kuya 28-08-2016 saa 16:31' na Mukaneza M.Ange


Donald Trump, umukandida w’ishyaka ry’aba-Republicans mu matora ya Perezida wa Leta Zunze Ubumwe za Amerika yongeye kwibasira Hillary Clinton bahanganye amushinja gushyigikira ivangura.

Ubwo yari muri leta ya Iowa, Trump yagarutse ku mvugo igereranya abirabura n’inyamaswa, Hillary Clinton yigeze gukoresha mu 1996.

Yanasangije kandi abamukurikira ubutumwa bwanditswe kuri Twitter n’umwe mu bo mu ishyaka ry’aba- républicain bugaragza ko umwe mu bantu Clinton afata nk’icyitegererezo n’umwarimu we yahoze mu itsinda ry’abantu bazwiho kugira amatwara atandukanye arimo kurwanya uburenganzira bw’abirabura ndetse n’imyemerere ya gikirisitu (Ku Klux Klan, KKK).

Uku gushinja Hillary Clinton kugirana umubano n’umuntu wari muri KKK kwaje nyuma y’uko na we agerageje kugaragaza ko imvugo ya Trump ifitanye isano n’ibikorwa by’iri tsinda.

Lynette Hardaway na Rochelle Richardson banditse kuri twitter ubutumwa Trump yasangije abamukurikira babwiye CNN ko umwarimu wa Clinton bavugaga nta wundi ari Nyakwigendera Robert Byrd wari senateri wa West Virginia.

Bakomeje bagaragaza ko ubwo yapfaga mu 2010, Clinton yagaragaje ko uyu mugabo winjiye muri KKK mu 1940 yari intwari ndetse amufata nk’umwarimu we n’icyitegererezo.

Trump ashinje Clinton ivangura mu gihe ku wa Gatatu w’iki cyumweru na bwo yari yavuze ko uyu mugore nta kandi gaciro aha abatuye Amerika batari abazungu uretse kuba yifuza ko bamutora.

Trump ushaka kwigarurira amajwi y’abirabura ariko akomeje kudatana n’imvugo itari nziza ndetse mu minsi ishize akaba yaravuze ko imiryango yabo irangwa n’ibyaha by’ubwicanyi, urugomo n’ubushomeri bityo ko kumutora ntacyo bahomba.

Robert Byrd uvugwaho kuba ari icyitegererezo kuri Clinton yinjiye muri KKK mu 1940, icyo gihe akaba yarakanguriye abantu 150 gushinga ishami ry’iri tsinda muri West Virginia.

Mu gitabo kivuga ku buzima bwe Byrd yavuze ko yinjiye muri iri tsinda agamije kurwanya ibitekerezo by’aba-communiste.

Nyuma ariko yaje kurivamo ndetse yicuza kuba yarigeze kuba umunyamuryango ndetse mu 2005 asaba Perezida Barack Obama wari senateri imbabazi.

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved