Trump yavuze ko umwami wa Arabie Saoudite atamara kabiri ubufasha bwa Amerika buhagaze

Yanditswe na IGIHE
Kuya 4 Ukwakira 2018 saa 01:38
Yasuwe :
0 0

Perezida wa Leta Zunze Ubumwe za Amerika, Donald Trump, yabwiye abanyamakuru ko Arabie Saoudite n’umwami wayo batamara ibyumweru bibiri ku butegetsi, badafite inkunga y’ingabo za Amerika, asaba ko icyo gihugu kibyishyurira amafaranga menshi.

Ubwo yari mu gace ka Southaven muri Mississippi ku wa Kabiri, Trump yagize ati “Naho se ku masezerano mu bya gisirikare aho turinda ibihugu bikize ariko ntihagire inyishyu tubona. Byo bimeze bite? Biraza guhinduka,”

"Turinda Arabie Saoudite. Wavuga ko bakize? Kandi nkunda umwami …Umwami Salman ariko naravuze nti ‘Umwami, turi kukurinda. Mushobora kutamaraho ibyumweru bibiri muramutse mutadufite. Mugomba kubyishyura ku gisirikare cyanyu.”

Perezida Trump aheruka gusaba ibihugu bikorana na Amerika birimo n’ibyo muri OTAN, u Buyapani, Korea y’Epfo n’ibindi, kugira icyo byishyura ku bwirinzi bihabwa na Amerika.

Urugendo rwa mbere rwa Trump mu mahanga rwari muri Arabie Saoudite, aho yagejeje ijambo ku bayobozi bo mu Isi y’Abayisilamu.

Muri urwo ruzinduko Trump yasinye amasezerano angana na hafi miliyari $110 z’ibikoresho n’ibindi bikorwa bya gisirikare, n’umwami Salman bin Abdulaziz Al Saud.

Umunyamabanga wa Leta Ushinzwe Ububanyi n’amahanga, Rex Tillerson yavuze ko iyo ari igice cya miliyari $350 z’amasezerano yasinywe mu by’ubukungu n’igisirikare hagati y’ibihugu byombi, mu myaka 10 iri imbere.

Perezida Trump hamwe n'umwami Salman muri Gicurasi 2017

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza