Trump yavuze ko umugore umushinja kumufata ku ngufu badakwiranye

Yanditswe na IGIHE
Kuya 25 Kamena 2019 saa 09:28
Yasuwe :
0 0

Perezida wa Leta Zunze Ubumwe za Amerika, Donald Trump, arahakana ibyo ashinjwa ko yashatse gufata ku ngufu umunyamakuru Elizabeth Jean Carroll mu myaka ya 1990, avuga ko badakwiranye.

Trump avuga ko Carroll yabeshye cyane ku byo amushinja ko yashatse kumufata ku ngufu. Uyu munyamakuru avuga ko yahuye na Trump mu maduka ya Bergdorf Goodman muri Manhattan hagati ya 1995 na 1996, aza kwisanga bamenyanye kuko yari asanzwe amuzi biza no gutuma bajyana mu cyumba cyo kwambariramo, ari naho avuga ko yamufatiye ku ngufu.

Trump ngo yaba yaramusabye ko yamuha inama mu gihe yarimo agurira imyenda uwundi mugore, hanyuma amusaba ko yabanza akayigera. Avuga ko mu gihe bari mu cyumba cyo kwambariramo, Trump yamwegereye ashaka kumufata ku ngufu.

Carroll avuga ko yashoboye kumwikura habaye urugamba rutoroshe.

Trump yabwiye ikinyamakuru The Hill ati “Ndabivuga mu kinyabupfura kinshi, ubwa mbere ntidukwiranye, ubwa kabiri ntibyigeze biba, ntibyigeze biba.”

Carroll w’imyaka 75 y’amavuko yatanze ayo makuru mu kinyamakuru New York Magazine ku wa Gatanu w’icyumweru gishize. Mu biganiro yagiranye na CNN na MSNBC, Carroll usanzwe wandikira ikinyamakuru Elle, yavuze ko agiye kongera imbaraga kugira ngo Trump akurikiranwe.

Carroll abaye umugore wa 16 ushinja Trump ko yamufashe ku ngufu, gusa we ntahwema kubihakana.

Elizabeth Jean Carroll arashinja Trump gushaka kumufata ku ngufu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza