Kwamamaza

Trump yahamije ko Putin ari umuyobozi mwiza kurusha Obama

Yanditswe kuya 8-09-2016 saa 21:14' na Mukaneza M.Ange


Donald Trump, umukandida w’ishyaka ry’aba-republicans mu matora ya Perezida wa Leta Zunze Ubumwe za Amerika yongeye kumvikana ataka Perezida w’u Burusiya, Vladimir Putin aho yahamije ko yabaye umuyobozi mwiza kurusha Barack Obama.

Ibi Trump yabivuze ku wa Gatatu ubwo we na Hillary Clinton uhagarariye ishyaka ry’aba-democrates bahatwaga ibibazo n’abahoze ari abasirikare kuri television ya NBC.

Trump yavuze ko Putin yabaye umuyobozi mwiza kurusha kure Obama ndetse ko yabashije gushyira ku murongo mwiza u Burusiya.

Ubwo yabazwaga ku byo yigeze kuvuga mu minsi yashize na bwo ataka Putin ufatwa nk’umwanzi wa mbere wa US, Trump yavuze ko kuba yaramwise umuhanga na we agomba kubyishimira.

Yanongeyeho ko afite icyizere ko naramuka atowe mu Ugushyingo, azakorana neza na Putin.

Aya magambo ataka Putin, Trump yayavuze nyuma y’amasaha make, Umunyamabanga wa US ushinzwe igisirikare, Ash Carter agaragaje impungenge z’uburyo u Burusiya bukomeje gushaka kwangiza umutekano w’Isi.

Ni nyuma y’iminsi mike kandi Trump asabye u Burusiya gushakisha ubutumwa Hillary Clinton yaba yarasibye ubwo yakoreshaga e-mail ye bwite mu kohereza ubutumwa burebana n’amabanga ya Amerika.

Muri iki kiganiro kandi Trump yanagarutse ku butumwa yigeze kwandika kuri Twitter mu 2013, avuga ku ihohoterwa ryakorerwaga abasirikare, icyo gihe akaba yaravuze ko bituruka ku kuba bafata abagore n’abagabo bakabashyira hamwe.

Ku rundi ruhande, Clinton na we yahaswe ibibazo birimo ibijyanye no gukoresha e-mail ye bwite kandi havugwa amabanga y’akazi, avuga ko yakoze ibyo yagombaga gukora.

Yanagarutse kandi ku kibazo cya Iraq avuga ko yicuza kuba mu 2002 yarashyigikiye umwanzuro wo kohereza abasirikare ba Amerika muri kiriya gihugu kandi yari mu mwanya mwiza wo kubikumira.

Uyu mugore wahoze ari Umunyamabaganga wa Leta Zunze Ubumwe za Amerika yarahiriye kurandura umutwe wa Islamic State no kutongera kohereza ingabo zirwanira ku butaka muri Iraq.

Ibi biganiro aba bakandida bagize, byatanze ishusho y’uburyo ibiganiro mpaka bitatu biteganyijwe mbere y’uko amatora aba bizaba bimeze.

Amatora ya Perezida muri Leta Zunze Ubumwe za Amerika, ateganyijwe ku itariki 8 Ugushyingo 2016.

[email protected]


Kwamamaza
IZINDI NKURU WASOMA
Ifoto y’umunsi
2016-09-27 08:20:56
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved