Kwamamaza

Trump mu mazi abira nyuma y’amashusho avuga uko yashatse gusambanya umugore w’abandi

Yanditswe kuya 9-10-2016 saa 14:14' na Rabbi Malo Umucunguzi


Abantu bakomeye bo mu ishyaka ry’Aba- républicain muri Leta Zunze Ubumwe za Amerika, bongeye gutera umugongo Donald Trump uri guhatanira kuyobora iki gihugu cy’igihangange, nyuma y’uko hagiye hanze amagambo yavuze ku bagore mu 2005.

Ikinyamakuru The Washington Post mu mashusho y’iminota itatu, cyagaragaje ikiganiro cya Trump n’itsinda bari kumwe mu modoka, amajwi afatwa na mikoro ihishe.

Trump yumvikana avuga uko yashatse kuryamana n’umugore ufite umugabo, n’ubwo avuga ko atabigezeho kandi yari azi neza ko uwo mugore yashatse.

Yumvina kandi avuga ko iyo akuruwe n’abeza (abagore) ahita abasoma, nta gutegereza, bikaba nka rukuruzi, ndetse abari muri iyo modoka bakumvikana bamwogeza ndetse harimo n’abaseka.

Trump ati “kandi iyo uri icyamamare barakureka ukabikora. Wakora ikintu icyo aricyo cyose. Gufata ku gitsina, wakora icyo aricyo cyose.’’

Ni amagambo yarakaje Abanyamerika kugeza no mu bakomeye mu ishyaka ry’Aba- républicain, byari byitezwe ko aribo bagomba kumutera ingabo mu bitungu ngo abashe gutsinda Hillary Clinton bahanganye we ukomoka mu ishyaka ry’Aba- démocrate.

John McCain wigeze kwiyamamariza kuyobora Leta Zunze Ubumwe za Amerika muri iri shyaka na Condoleezza Rice wabaye Umunyunyamabanga wa Leta Ushinzwe Ububanyi n’Amahanga, bari mu bavuze ko badateze gutora Trump.

Condoleezza Rice yagize ati “Birahagije! Trump ntabwo akwiye kuba Perezida. Akwiye kubivamo.”

Senateri Kelly Ayotte uhagarariye New Hampshire, we yasohoye inyandiko agira ati “Sinshobora kandi sinzigera nshyigikira umukandida ku mwanya wa Perezida utebya mu gutesha agaciro no gutuka abagore.’’

Yavuze ko nubwo atazatora Trump ariko adateze no gutora Clinton, ahubwo ku rupapuro rw’itora azandikaho "Mike Pence” uri kwiyamamaza ku mwanya wa Visi Perezida.

Mitt Romney wiyamamaje mu matora ya 2012 ku ruhande rw’iri shyaka, yanditse kuri Twitter ati “aya magambo mabi aratesha agaciro abagore n’abakobwa bacu, akanaharabika isura ya Amerika mu maso y’Isi.’’

Nyuma y’ayo magambo yagiye hanze, Trump yasabye imbabazi uwo ariwe wese wakomerekejwe n’imvugo ze, yavuze ko hari ibice bishaka cyane ko ava mu matora, ati “ariko sinzava mu irushanwa, sinzatenguha abarwanashyaka banjye.’’

Umugore we Melania, yavuze ko nawe ari mu bashenguwe n’amagambo y’umugabo we, ati “ndizera ko abantu bazamuha imbabazi yasabye, nk’uko nanjye nabikoze, ahubwo tugahanga amaso ibibazo bibangamiye igihugu cyacu n’Isi muri rusange’’.

Trump mu mazi abira nyuma y’amashusho avuga uko yashatse gusambanya umugore w’abandi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved