Starlink igiye kuzuza satellite zirenga 1000 mu isanzure

Yanditswe na Ndahayo Emmanuel
Kuya 1 Gashyantare 2021 saa 06:41
Yasuwe :
0 0

Ikigo cya SpaceX cya Elon Musk, kuri ubu umaze kuba umuherwe wa mbere ku Isi na miliyari 200$, kigiye kuzuza satellite igihumbi mu isanzure ry’Isi, zizatuma kigira kimwe cya kane cy’umubare w’iziri mu isanzure.

SpaceX ifite umushinga witwa Starlink ugamije kuzafasha abatuye Isi kubona murandasi yihuse kandi ihendutse. Kugira ngo ibyo bigerweho, Starlink iri kohereza satellite mu isanzure zizakoreshwa mu gukwirakwiza murandasi ku Isi.

Kuri ubu, iki kigo gifite satellite 946 zingana na 27.3% by’iziri mu isanzure. Hagati aho, iki kigo kigiye kohereza icyogajuru mu isanzure kizajyana izindi satellite zizatuma icyo kigo cyuzuza satellite 1006 muri 3521 ziriyo.

Murandasi izatangwa na Starlink yatangiye gutangwa mu bihugu birimo Leta Zunze Ubumwe za Amerika n’u Bwongereza, aho igura amafaranga 99$ (arenga ibihumbi 98 Frw).

Muri rusange, Starlink ifite intego yo kuzashyira satellite zirenga 40000 mu isanzure, ku buryo kizagira ubushobozi bwo gukwirakwiza murandasi ku Isi hose kandi mu gihe gito.

Elon Musk ngo atekereza cyane ko murandasi itangwa na satellite ari yo soko y’ubukire mu minsi iri imbere. Ku rundi ruhande, uyu mukire yakunze kuvuga ko amafaranga SpaceX izavana muri ibi bikorwa, izayakoresha mu bushakashatsi irimo bwo kujyana abantu ku mubumbe wa Mars.

SpaceX igiye kuzuza satellite zirenga 1000 mu isanzure

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .