Singapore Airlines igiye gutangiza urugendo rwa mbere rurerure ku Isi idahagaze

Yanditswe na IGIHE
Kuya 31 Gicurasi 2018 saa 09:24
Yasuwe :
0 0

Sosiyete itwara abantu n’ibintu mu ndege, Singapore Airlines, igiye gutangiza urugendo rwa mbere rurerure mu mateka idahagaze rureshya n’ibilometero 15 288, aho ruzava New York rwerekeza Singapore mu gihe kingana n’amasaha 18 n’iminota 45.

Indege ya Airbus A350-900 ULR, niyo izajya ikoreshwa muri uru rugendo nyuma y’uko mu 2013 rwari rwakoreshejwe indege ya A340-500, ariko ruza guhagarikwa bitewe n’izamuka ry’ikiguzi cy’amavuta iyi ndege yakoreshaga.

Kuva tariki 11 Ukwakira, Singapore Airlines izatangira ikora izi ngendo gatatu mu cyumweru; ku wa Kabiri, ku wa Gatanu no ku Cyumweru hanyuma kuwa 18 Ukwakira, izikore buri munsi nyuma yo kwakira indege ya kabiri yo mu bwoko bwa Airbus A350-900, ifite ubushobozi bwo kugenda kilometero zirenga 17 960.

Bisobanuye ko ifite ubushobozi bwo gukora urugendo rurutaho kilometero 2896, ku rwo indege zindi za A350 zikora.

Uru rugendo nirwo rurerure ku Isi ugereranyije n’izindi zisanzwe zikorwa, aho rusumba urukorwa na Qatar Airways, rwa Doha-Auckland rureshya na kilometero 14 535.

Amatike aratangira kugurishwa kuri uyu wa Kane tariki 31 Gicurasi 2018.

Sosiyete itwara abantu n’ibintu mu ndege, Singapore Airlines, igiye gutangiza urugendo rwa mbere rurerure mu mateka idahagaze rureshya n’ibilometero 15 288, aho ruzava New York rwerekeza Singapore mu gihe kingana n’amasaha 18 n’iminota 45
Urugendo rwa Qatar Airways ruva i Doha rujya i Auckland nirwo rwari rurerure ku Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza