Samsung yajyanywe mu nkiko ishinjwa kubeshya abakiliya ko telefone zayo zitangizwa n’amazi

Yanditswe na Evariste Nsengimana
Kuya 4 Nyakanga 2019 saa 08:46
Yasuwe :
0 0

Komisiyo ishinzwe kurengera abaguzi muri Australia (ACCC), yajyanye mu nkiko uruganda rwa Samsung irushinja kubeshya abaguzi ibinyujije mu itangazo ryamamaza ko telefone zayo zifite ubushobozi bwo kumara umwanya mu mazi y’inyanja n’ayo muri pisine ntizigire icyo ziba.

ACCC ivuga ko iryo tangazo risobanura ko telefone zirimo Note 7, A8 na S10 zifite ikoranabuhanga rya IP68 rizifasha guhangana n’amazi ku buryo umuntu ashobora kuzogana iminota 30 ntibizigireho ingaruka.

Ivuga ko Samsung yifashishije iryo tangazo igamije gushitura abaguzi nyamara nta bushakashatsi yabikozeho. Nk’uko CNN yabitangaje.

ACCC mbere yo gutanga ikirego yasesenguye amatangazo abyamamaza arenga 300 yanyujijwe kuri televiziyo na Radio bitandukanye guhera muri Gashyantare 2016.

Ivuga ko Samsung yongeye ku rubuga rwayo ishyiraho itangazo rivuga ko itashishikarije abafite telefone za S10 kuzishyira mu mazi.

Gusa Samsung yavuze ko yiteguye kwisobanura ku kirego yarezwe ndetse igakomeza guhagarara ku itangazo ryayo.

Samsung iramutse itsinzwe iki kirego yacibwa amadolari ya Amerika asaga miliyoni zirindwi.

Samsung nirwo ruganda rwa kabiri muri Australia rucuruza telefone nyinshi nyuma ya Apple yacuruje izisaga miliyoni enye umwaka ushize.

Samsung yajyanywe mu nkiko ishinjwa kubeshya abakiliya ko telefone zayo zitangizwa n’amazi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza