Kwamamaza

Philippines nayo ishobora kwikura muri ICC

Yanditswe kuya 18-11-2016 saa 08:00' na Jean Pierre Tuyisenge


Perezida wa Philipines Rodrigo Duterte, yavuze ko ashobora kugera ikirenge mu cy’ibindi bihugu birimo n’u Burusiya ikivana mu Rukiko Mpuzamahanga Mpanabyaha rw’I Lahaye mu Buholandi.

Duterte yise uru rukiko, “imburamumaro” anenga ibihugu byo mu Burengerazuba bw’Isi na Leta Zunze Ubumwe za Amerika byakunze kumushinja ubwicanyi akorera abashinjwa gucuruza ibiyobyabwenge.

The Independent yanditse iyi nkuru ivuga ko ubwo Perezida Duterte yari agiye mu nama mpuzamahanga y’ibihugu bihuriye ku muhora wa Asia na Pacifique, yavuze ko ashobora gukurikiza urugero rw’u Burusiya.

Yagize ati “Ruriya rukiko mpuzamahanga ni imburamumaro, u Burusiya bwaruvuyemo, nanjye nshobora gukurikiraho”.

Duterte yavuze ko u Burusiya n’u Bushinwa biramutse bishinze umuryango uhuriweho, Philippines yaba iya mbere mu kuwinjiramo.

Perezida Duterte anenga Umuryango w’Abibumbye, avuga ko wananiwe guhagarika intamabara zikomeje kuyogoza Isi.

Perezida w’u Burusiya Vladimir Putin yasinye itegeko rihanagura amasezerano ashyira igihugu cye muri ICC ku wa Gatatu w’Iki cyumweru.

Ibi bihugu bifashe uyu mwanzuro mu gihe mu minsi mike ishize humvikanye ibihugu byo ku mugabane wa Afurika byatangaje ingingo yo kwivana muri urwo rukiko.

Habanje u Burundi, hakurukiraho Afurika y’Epfo nyuma igihugu cya Gambia n’icya Congo Brazzaville na byo byatangaje ko bigeye kuruvamo.

Urukiko Mpuzamahanga Mpanabyaha rw’i La Haye mu Buholande rwashinzwe mu mwaka wa 2002 hagamijwe gucira imanza abantu bakora ibyaha byo mu ntambara n’ibyibasiye inyokomuntu, gusa bimwe byatangiye kurwikuramo birushinja kwibasira abaturage bo ku mugabane wa Afurika.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved