Perezida wa Turikiya yanenze Joe Biden wise Putin umwicanyi

Yanditswe na Mutangana Gaspard
Kuya 21 Werurwe 2021 saa 07:37
Yasuwe :
0 0

Perezida wa Turikiya Recep Tayyip Erdoğan yavuze ko bigayitse kuba Joe Biden yarise Vladimir Putin umwicanyi.

Al Jazeera yanditse ko kuri uyu wa Gatanu Erdoğan yavuze ko kuba Biden yarahamije ko Putin ari umwicanyi, ari gikorwa giteye isoni, kidakwiriye gukorwa n’umukuru w’igihugu.

Ntabwo abakuru b’ibihugu benshi bakunze kugaruka ku magambo yavuzwe na bagenzi babo. Perezida wa Leta Zunze Ubumwa za Amerika Joe Biden, ubwo yari mu kiganiro na ABC News, yavuze ko Perezida w’u Burusiya Vladimir Putin ari umwicanyi.

Nyuma y’uko Biden yise Putin umwicanyi, itangazamakuru ryabajije Putin icyo abivugaho maze asubiza mu mvugo yuje ininura, avuga ko “Umuntu[umwicanyi] amenya undi”

Byose byakomotse ku nkuru ya Alexey Navalny utavuga rumwe na Leta ya Putin wamaze igihe arwariye mu Budage, kandi bikavugwa ko yari yarozwe na Guverinoma y’u Burusiya.

Muri 2019 Joe Biden yise Erdoğan umunyagitugu, kandi mu bitangazamkuru binyuranye hakunze kumvikana mo Biden yitotombera ko u Burusiya bwivanze mu matora ya Leta Zunze Ubumwe za Amerika yabaye muri 2016 bugahesha insinzi Donald Trump.

Umuvugizi w’ibiro bya Perezida wa Amerika, aherutse gutangaza ko mu matora Joe Biden aherutse kwegukana, u Burusiya bwagerageje kuyivangamo ngo buheshe Trump indi manda ntibikunde.

Perezida wa Turikiya Recep Tayyip Erdoğan yavuze ko bigayitse kuba Joe Biden yarise Vladimir Putin umwicanyi(Ifoto ya Middle East Online)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .