Kwamamaza

Perezida wa Philippines yahagaritse imibanire n’Amerika, yiyemeza gucudika n’u Bushinwa

Yanditswe kuya 22-10-2016 saa 12:37' na IGIHE


Perezida wa Philippines Rodrigo Duterte yatangaje ku mugaragaro ko ashaka kwitandukanya na Leta Zunze Ubumwe za Amerika mu buryo bweruye.

Ibi yabibwiye itangazamakuru mu kiganiro yagiranye na ryo mu mujyi wa Davao, nyuma yo gusoza uruzinduko rw’akazi yagiriye mu Bushinwa.

Igikuba gisa n’icyacitse nyuma y’aho Perezida Duterte atangaza ko ashaka guca umubano na Leta Zunze Ubumwe za Amerika mu by’ubukungu n’igisirikare akifatanya n’u Bushinwa.

Ati “Kuri ubu Amerika yarahombye, nayobotse imyumvire yanyu, kandi birashoboka ko nzajya no mu Burusiya kuganira na Putin nkamubwira ko turi ‘batatu’ tumaze kwitandukanya na Leta Zunze Ubumwe za Amerika, ni ukuvuga u Bushinwa, Philippines n’u Burusiya. Nta yandi mahitamo.”

Mu ijambo yavuze kuri uyu wa Gatanu, Perezida Duterte yahamije ko nta mugambi afite wo gusubira ku masezerano igihugu gifitanye n’ibindi.

Minisitiri w’Ubucuruzi Ramon Lopez, yabwiye CNN ko Philippines idakwiye guhagarika ubucuruzi n’ishoramari hagati yayo na Leta Zunze Ubumwe za Amerika, kuko ibi byabangamira ubukungu bwayo.

Hagati aho icyemezo cya Duterte cyasize urujijo mu mitwe y’abayobozi ba Amerika bibaza byinshi ku mibanire ya Philippines n’ibindi bihugu byo mu karere iherereyemo.

Umuvugizi wa Perezidanse ya Amerika, Josh Earnest yavuze ko ibyo Duterte yavuze ari amagambo ye, arimo ibitutsi n’urujijo.

Umuvugizi wa Ambasade ya Amarika Molly Koscina, yavuze ko Amerika izakomeza guha agaciro ibigenwa n’amasezerano hagati y’ibihugu byombi ndetse n’ibyo mu karere kandi ko na Philippines ari ko ikwiye kubigenza.

Amagambo ya Duterte yafashwe nk’urwenya

Abasaga miliyoni 2.6 z’Abanya- Philippines batuye muri Leta Zunze Ubumwe za Amerika.

Ubucuruzi bw’ibintu bitandukanye bwinjije miliyari zisaga 18 z’amadolari umwaka ushize, ndetse ibigo byo muri Amerika byashoye asaga miliyari 4.6 z’amadolari muri Philippines.

Amerika kandi ibara amadolari asaga miliyari 17.6 Abanya-Philippines bakora muri Amerika bohereje mu gihugu cyabo uyu mwaka.

Ibi byatumye benshi bafata amagambo ya Duterte nk’urwenya, bavuga ko Amerika ari igihugu cy’inshuti ndetse umubano hagati y’ibihugu byombi umaze igihe kirekire.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved