Perezida Trump yirukanye umujyanama we araherekezwa bamurenza umuryango wa White House

Yanditswe na Rabbi Malo Umucunguzi
Kuya 13 Werurwe 2018 saa 06:47
Yasuwe :
0 0

Perezida wa Leta Zunze Ubumwe za Amerika, Donald Trump, yirukanye uwari umujyanama we wihariye, John McEntee ndetse baramuherekeza bamurenza umuryango w’Ibiro by’Umukuru w’Igihugu (White House), nk’uko bamwe mu bayobozi babikoramo babitangaje.

Umwe mu bakozi bo mu Biro bya Perezida Trump yatangarije The Wall Street Journal ko impamvu zo kwirukanwa kwe zitahise zishyirwa hanze.

Umuvugizi wa White House, Sarah Sanders, nawe yanze kugira icyo atangaza kuri iki cyemezo cya Perezida Trump.

Ibinyamakuru byatangaje ko John McEntee yirukanwe kuri uyu wa Mbere; yatangiye gukorana na Trump ubwo yatangiraga ibikorwa byo kwiyamamariza kuyobora Amerika, ndetse biteganyijwe ko azongera gukora mu bikorwa bya Trump mu kwiyamamaza, aho azaba ari umujyanama.

Mu nshingano ze muri White House, yari ashinzwe gushyikiriza Trump ubutumwa butandukanye no kugenzura ko amasaha yose ari ku gihe.

Amakuru avuga ko ubwo yirukanwaga, batanamwemereye kugira ikindi kintu cye atora muri White House.

Ukwirukanwa kwa McEntee muri White House kwahise guhurirana n’inkuru ikomeye y’ukwirukanwa kwa Rex Tillerson wari Umunyamabanga wa Leta Ushinzwe Ububanyi n’Amahanga, wahise asimbuzwa Mike Pompeo wayoboraga Urwego rw’Ubutasi, CIA.

John McEntee wari Umujyanama wihariye wa Perezida Trump yirukanwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza