Kwamamaza

Perezida Obama yanenze Trump uherutse kumugereranya na Putin

Yanditswe kuya 9-09-2016 saa 11:03' na Niyonsenga Schadrack


Perezida wa Leta Zunze Ubumwe za Amerika, Barack Obama yatangaje ko Donald Trump adakwiye kuba Umugaba Mukuru w’Ingabo za Amerika, nyuma y’uko uyu mukandida w’ishyaka ry’aba-Républicains amugereranyije na Perezida w’u Burusiya, Vladimir Putin.

Ibi yabitangaje kuri uyu wa Kane ubwo yari ari mu nama n’abayobozi b’Uburasirazuba bw’Amajyepfo ya Aziya, muri Laos, mu ijambo rikakaye Obama yasubije Trump watangaje ko Putin ariwe muyobozi mwiza kumurusha.

Yagize ati “Sintekereza ko uriya mugabo afite indangagaciro zimwemerera kuyobora Amerika, kandi buri gihe iyo agize icyo avuga bihita byigaragaza ko adashoboye. Afite ibitekerezo by’ubusazi kandi nta n’ikintu azi.”

Obama wasozaga uruzinduko yagiriraga muri Aziya yakomeje agira ati “Mu minsi umunani cyangwa icyenda maranye n’abayobozi bo muri Aziya, twaganiraga ku bucuruzi, ariko iyo uvuga uba ugomba kumenya ibyo uvuga kandi ugakora ibikureba, ibyo uvuga biba bigomba kwerekana ingamba uzakoresha mu kubishyira mu bikorwa.”

Kuwa Gatatu w’iki cyumweru, Trump yatangaje ko Perezida w’u Burusiya afite imiyoborere myiza kurusha Obama.

Yagize ati “Putin ni umuyobozi mwiza cyane, sinkunda politiki ye y’imiyoborere ariko nanone ni nziza cyane ugereranyije n’iya Perezida wacu.”

Trump yananenze imikorere y’ingabo za Amerika, avuga ko abajenerali bangiritse, n’ubwo hari bamwe acyizera imikorere yabo.

Trump uheruka gutangaza amagambo akakaye yiteguye kuzahangana na Hillary Clinton watanzwe n’ishyaka ry’aba-Democrates mu matora ya Perezida wa Amerika ateganyijwe mu Ugushyingo uyu mwaka.

Byitezwe ko Obama nagaruka muri Amerika azakomeza gufasha Clinton mu bikorwa byo kwiyamamaza mu rwego rwo kugaragariza Abanyamerika ko amushyigikiye.

Barack Obama watangiye kuyobora Leta Zunze Ubumwe za Amerika muri 2008, manda ya kabiri yatorewe muri 2012 izarangirana n’uyu mwaka.

Inkuru bifitanye isano: Trump yahamije ko Putin ari umuyobozi mwiza kurusha Obama

Perezida wa Leta Zunze Ubumwe za Amerika, Obama yatangaje ko Trump adafite indangagaciro zo kuba perezida

Kwamamaza
IZINDI NKURU WASOMA
Ifoto y’umunsi
2016-09-27 08:20:56
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 28 September 2016
Copyright © 2009 -2014 - IGIHE Ltd - All Rights Reserved