Kwamamaza

Perezida Hollande arashinjwa kumena amabanga y’igihugu

Yanditswe kuya 7-11-2016 saa 12:52' na Mukaneza M.Ange


Umwe mu badepite bo mu gace ka Alpes-Maritimes mu Bufaransa yajyanye Perezida François Hollande mu butabera amushinja kumena amabanga y’igihugu, ubwo yabwiraga abanyamakuru ibijyanye n’ibitero by’indege muri Syria.

Mu 2013 nibwo Hollande yaba yarabwiye abanyamakuru ba Le Monde, Gérard Davet na mugenzi we Fabrice Lhomme ibijyanye n’ibitero by’indege muri Syria.

Aba na bo baje kwandika aya makuru mu gitabo bise “Un président ne devrait pas dire ça” cyasohotse muri Kanama 2016, aho bagaragaje byinshi mu byo babwiwe na Hollande.

Eric Ciotti ubarizwa mu ishyaka ry’aba-Républicains yavuze ko amakuru Hollande yatanze yashyiraga mu kaga politiki y’ubwirinzi n’umutekano w’u Bufaransa.

Mu ibaruwa yandikiye Umushinjacyaha w’umujyi wa Paris, Ciotti yavuze ko yagerageje kuvugana na Minisitiri w’ubutabera ubugira kabiri ku kibazo cy’ariya makuru yatanzwe na Hollande ariko biba iby’ubusa.

Nk’uko inkuru dukesha L’Express ibivuga, Ciotti ntiyiyumvisha uburyo bariya banyamakuru babashije gusohokana mu biro by’umukuru w’igihugu impapuro zanditseho ko ari ibanga rirebana n’umutekano(confidentiel défense), agahamya ko hari uwabibafashijemo.

Ciotti avuga ko ashingiye ku ngingo ya 40 mu mategeko ahana y’u Bufaransa asanga uwari ufite ariya makuru agatuma agera ku bantu bose akwiye kubihanirwa.

Si Ciotti wenyine washinje Hollande kuba yaramennye amabanga y’igihugu kuko na Nicolas Sarkozy yavuze ko ibyo Hollande yatangaje birimo n’ibitero byagabwaga ku bakora iterabwoba bidakwiye.

Mu ntangiriro z’uku kwezi ariko umuvugizi wa leta y’u Bufaransa, Stéphane le Foll yemeje ko Perezida Hollande atigeze amena amabanga y’igihugu kuko icyo yakoze ari ukuvuga ingamba zafatiwe abakora ibikorwa by’iterabwoba.

Minisitiri w’Ubutabera, Jean-Yves Le Drian na we ku cyumweru yagaragaje ko ashyigikiye Hollande aho yavuze ko mu rugamba n’abakora iterabwoba nta kubabarira.

Muri iki gitabo ‘Un président ne devrait pas dire ça’ hagaragaramo byinshi Hollande yagiye avuga birimo uburyo abashinzwe ubutabera ntacyo bakora kigaragara, abakinnyi b’umupira nta gaciro bafite ndetse nta n’uburere, abimukira ari benshi, ibyo gusenya ishyaka ry’aba-socialiste(Parti socialiste) yigeze kuyobora n’ibindi byinshi.

Eric Ciotti, ushinja Perezida Hollande kumena amabanga y'igihugu

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved