Kwamamaza

Papa Francis yageneye ubutumwa abahanganiye ubutegetsi muri Gabon

Yanditswe kuya 12-09-2016 saa 09:53' na Niyonsenga Schadrack


Umushumba wa Kiliziya Gatolika ku Isi Papa Francis yahamagariye abahanganiye ubutegetsi muri Gabon kuyoboka inzira y’amahoro no kubahiriza amategeko.

Ku cyumweru ku wa 11 Nzeri 2016, Papa Francis yahamagariye buri wese kwitabira isengesho ry’umwihariko ku gihugu cya Gabon cyugarijwe n’imvururu zakurikiye amatora y’Umukuru w’Igihugu yabaye ku wa 27 Kanama 2016, asaba abahanganye kuyoboka inzira y’amahoro no kubahiriza amategeko.

Abahanganiye ubutegetsi muri Gabon ni Jean Ping ubarizwa mu idini Gatolika na Ali Bongo Ondimba wo mu idini ya Islam.

Ubwo yasomaga misa imbere y’abakirisitu bari bakoraniye muri Kiliziya yitiriwe mutagatifu Petero i Vatican, Papa yagize ati “Ndashaka kubatumira mu isengesho ry’umwihariko ku gihugu cya Gabon ubu kirimo imvururu zishingiye kuri politiki.Turagize Imana abaguye muri izo mvururu n’imiryango yabo. Nifatanyije n’abihaye Imana bo muri iki gihugu cyiza cyo muri Afurika, mu guhamagarira impande zihanganye guhagarika ubugizi bwa nabi no kugira intego nziza imwe”.

Papa Francis muri aya masengesho yakomeje ahamagarira abayoboke b’idini Gatolika bose kuba abaharanira amahoro mu buryo bwo kubahiriza amategeko, kuganira mu gihe habayeho kutumvikana ndetse no kugira urukundo rwa kivandimwe.

Jeune Afrique itangaza ko ku wa Gatandatu muri Gabon, umukandida watsinzwe amatora Jean Ping, hamwe n’abayoboke be bari bakoze urugendo rw’amahoro mu Murwa Mukuru Libreville rugamije kunamira abanya-Gabon bamaze gupfira mu mvururu zakurikiye amatora ya Perezida.

Imvururu muri Gabon zatangiye nyuma y’uko komisiyo y’amatora muri iki gihugu itangaje ko uwari usanzwe ayobora Gabon, Ali Bongo Ondimba ari we watsinze ku majwi 49.8%, mu gihe Jean Ping bari bahanganye we yagize 48.1%.

Kuva aho izi mvururu zitangiriye, Guverinema ya Gabon yatangaje ko zimaze kugwamo abantu batatu, gusa abatavuga rumwe n’ubutegetsi bo bamagana iby’iyi mibare bavuga ko abantu batari bake baguye muri iyi myivumbagatanyo.

Jean Ping aherutse kujyana ikirego cye mu rukiko rushinzwe kurengera Itegeko Nshinga muri Gabon asaba ko amajwi y’ibyavuye mu matora yakongera agasubirwamo kuko we yemeza ko ari we watsinze.

Perezida Ali Bongo na we yavuze adatewe ikibazo no kuba amajwi yakongera kubarurwa mu gihe uru rukiko rwazaba rubyemeje.

Papa Francis yasabye abanya Gabon kurangwa n'amahoro

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 21 Ugushyingo 2016
Copyright © 2009 -2014 - IGIHE Ltd - All Rights Reserved