00:00:00 IGIHE NETWORK KN KINYARWANDA EN ENGLISH FR FRANCAIS

OMS irasaba ko urukingo rwa Malaria rukwirakwizwa mu bihugu bya Afurika

Yanditswe na Bukuru JC
Kuya 7 Ukwakira 2021 saa 02:16
Yasuwe :
0 0

Ishami ry’Umuryango w’Abibumbye ryita ku Buzima, OMS, ryasabye ko urukingo rwa Malaria rwakozwe rwa Mosquirix rwakozwe na GlaxoSmithKline, rukwiye gukwirakwizwa mu bihugu byo muri Afurika, byihariye 94% by’iyi ndwara.

Kuva mu 2019, uru rukingo rwemejwe na OMS, rwatanzwe mu bihugu birimo Kenya, Malawi na Ghana, ahatanzwe inkingo miliyoni 2,3.

Umuyobozi Mukuru wa OMS, Tedros Adhanom Ghebreyesus, yasabye ko uru rukingo rukwiye gutwara mu bihugu byose birukeneye, ‘kuko ari inyongera nziza mu bikorwa twari dusanzwe dukora byo kurwanya indwara ya Malaria.’

Byitezwe ko inkingo zishobora kugera kuri miliyoni 15 zishobora kujya zikorwa buri mwaka, icyakora bikavugwa ko iziri hagati ya miliyoni 50 na miliyoni 110 ari zo zishobora kuzajya zikenerwa ubwo ibikorwa by’ikingira bizaba bitangiye.

Uru rukingo ruzajya ruhabwa abana, rufite ubushobozi bwo kurinda umwana Malaria buri ku kigero cya 30%, gusa OMS ivuga ko ‘ari rwo rwiza ruhari,’ nubwo ibindi bigo bitandukanye, birimo BioNTech, byatangaje ko bifite gahunda yo gukora urukingo rwa Malaria kuva mu mwaka utaha.

Umubu wa Anopheles utera Malaria ukunze kuba muri Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .