00:00:00 IGIHE NETWORK KN KINYARWANDA EN ENGLISH FR FRANCAIS

OMS ikomeje urugamba rwo gushaka inkomoko ya Covid-19

Yanditswe na Bukuru JC
Kuya 21 Kanama 2021 saa 03:26
Yasuwe :
0 0

Ishami ry’Umuryango w’Abibumbye ryita ku Buzima, OMS, ryasabye amatsinda n’ibigo by’abahanga mu by’ubuzima hirya no hino ku Isi, gukora iyo bwabaga bagatanga umusanzu wabo mu rugendo rwo gushaka inkomoko y’icyorezo cya Covid-19.

OMS yari iherutse kohereza itsinda ry’impuguke mu Bushinwa, aho ryanzuye ko ‘bigoye cyane’ kuba virus yateye iki cyorezo yaba yaraturutse muri Laboratoire iri mu Mujyi wa Wuhan.

Icyo gihe iri tsinda ryanzuye ko hari amahirwe menshi ko iyi virus yaturutse ku nyamaswa ijya mu bantu, ari na bwo buryo ibyorezo bikunze kuvukamo.

Ibi ariko byaje kwamaganwa n’abantu batandukanye barimo na Perezida wa Leta Zunze Ubumwe za Amerika, Joe Biden, washyizeho itsinda rigomba kugenzura niba icyorezo cya Covid-19 kitaraturutse muri laboratoire iri mu Bushinwa.

OMS yasabye ko n’abandi bahanga mu byerekeye ikwirakwira ry’ibyorezo bashobora kuyigezaho ubushakashatsi bwabo ku ntandaro y’icyorezo cya Covid-19, mu rwego rwo gukomeza gushaka inkomoko yacyo.

U Bushinwa bwari buherutse kwanga icyifuzo cya OMS kongera koherezayo abashakashatsi bagamije kwiga ku nkomoko ya Covid-19, buvuga icyo gikorwa kitagamije gukora ubushakashatsi, ahubwo kigamije inyungu za politiki.

OMS yasabye abahanga mu bijyanye n'ibyorezo, kuyifasha gukora ubushakashatsi ku nkomoko ya Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .