Kwamamaza

Obama yasubitse ibiganiro na Perezida wa Philippines wamwise umwana w’indaya

Yanditswe kuya 6-09-2016 saa 11:24' na Mukaneza M.Ange


Perezida wa Leta zunze ubumwe za Amerika, Barack Obama yasubitse ibiganiro yagombaga kugirana na mugenzi we wa Philippines, Rodrigo Duterte nyuma y’uko uyu amwise umwana wabyawe n’indaya(son of a whore).

Obama na Duterte bagombaga guhura kuri uyu wa kabiri mu nama ihuza ibihugu byo mu majyepfo ashyira uburasirazuba bwa Asia (Association of Southeast Asian Nations summit) ibera i Laos.

Iri jambo Duterte yarivuze ubwo yari mu kiganiro n’abanyamakuru mu mujyi wa Manila mbere y’uko yerekeza Laos.

Ubwo abanyamakuru bamubazaga uko azifata Obama naramuka amubajije ku bwicanyi bunyuranyije n’amategeko buvugwa muri Philippines yahise asubiza ko agomba kwiyubaha adakwiye kubaza ibibazo nk’ibyo.

Mu mvugo ikarishye, Duterte yise Obama umwana w’indaya ndetse avuga ko namubaza ikibazo nka kiriya azamuvuma.

The Guardian dukesha iyi nkuru ivuga ko ubwo aya magambo yageraga kuri Obama wari witabiriye inama ya G20 mu Bushinwa yahise avuga ko ikipe ye iza gusuzuma niba bikiri ngombwa ko agirana ibiganiro na Duterte.

Nyuma y’amasaha make, umuvugizi wa perezidanse ya Amerika yahise atangaza ko ibiganiro byasubitswe ko ahubwo Obama azahura na perezida wa Koreya y’Epfo, Park Geun-hye.

Obama yinjiye mu mubare w’abandi bantu bagiye batukwa ku babyeyi babo na Duterte barimo Papa Francis, ambasaderi wa US muri Philippines n’abandi bayobozi ba kiliziya gatolika muri iki gihugu.

Duterte ashinjwa gushoza intambara ku icuruzwa ry’ibiyobyabwenge aho imibare yashyizwe hanze ku cyumweru igaragaza ko mu mezi abiri gusa abagera ku 2400 bamaze kwicwa.

Ubwo yarahiriraga kuba perezida muri Kamena uyu mwaka, Duterte yahaye abaturage uburenganzira bwo kwica abanywi b’ibiyobyabwenge.

Yanigeze kuvuga ko kandi abantu ibihumbi 100 bafite aho bahuriye n’ibiyobyabwenge bazicwa bakajugunywa mu mugezi wa Manila.

Perezida wa Philippines, Rodrigo Duterte

[email protected]


Kwamamaza
IZINDI NKURU WASOMA
Ifoto y’umunsi
2016-09-27 08:20:56
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved